Happy birthday, Birdwatch.by!

Дакладна год таму наш сайт стаў афіцыйна карыстацца сваёй назвай – www.birdwatch.by
Цяпер мы можам цвёрда сцвярджаць: у нас ёсць месца для самавыяўлення ўсім, хто любіць птушак і хоча даведацца пра іх больш, а таксама расказаць пра гэтае сваё захапленне іншым. Мы робім гэты сайт усе разам, і кожны можа знайсці адпаведна са сваім вольным часам, ведамі і здольнасцямі кавалак працы, які зробіць наш сайт яшчэ лепшым.

Сёння, праз 365 дзён пасля пачатку, мы можам падвесці першыя сур’ёзныя вынікі.
Але перш, чым гэта зрабіць, я хачу пералічыць тых, без каго мы б не апынуліся у ліку найлепшых сайтаў для бёдуотчараў. Гэта:
Нашы самыя крэатыўныя і сучасныя адміністратары: Ягор Мальшэўскі, Глеб Кануннікаў, Ігар Кандыба (усе цяпер - Мінск)
Яўген Сліж (Гродна) – агульная мадэрацыя, ідэі і працавітасць 24 гадзіны на суткі (акрамя раніцы :))

Дзьмітры Гупенец (Гродна) - той, хто стварыў наш лагатып і выдатна афармляе ўсе нашы сувеніры (календарыкі, саколкі, блакноты)
Дзьмітры Якубовіч (Гродна) - нечаканыя і выдатныя фотаздымкі і глыбокія назіранні
Эла Данцова і Аляксей Ківачук (Брэст) - вельмі прыемныя і якасныя фотаздымкі птушак і цікавыя назіранні, а апошнім часам і навіны:
Сяргей і Андрэй Абрамчукі (Маларыцкі і Пружанскі раёны, Брэст, Гомель, Варшава) - трапныя назіранні і фотаздымкі:
Дзяніс Кіцель (Маларыта і Брэст) - навіны і ўнікальныя назіранні з Індыі і не толькі:
Юрка Бакур (Брэст і замежжа) - цікавыя здымкі і назіранні птушак (і не толькі іх) у Беларусі (і не толькі) :
Аляксандр Вінчэўскі (Мінск) - цікавыя назіранні і трапныя каментары і парады
Арцём Халандач (Гомель) - сакавітыя і каляровыя фотаздымкі і нарысы-назіранні са сваіх вандровак
Вадзім Пракапчук (Брэст і Каменец) - заўсёды вострыя каментары, навіны і цікавыя назіранні:
Аляксандр Мініч (Брэст) - дэталёвыя рэпартажы пра жыццё пустальгі ў словах і фотаздымках, а апошнім часам і відэа-фільмах і цікавыя ідэі па развіццю сайту:
Мікалай і Віктар Гулінскія і ганаровы сябра АПБ Жорж Гулеўскі (Гродна) - выдатныя і разнастайныя здымкі
Тацяна Раманава (Мінск) - нечаканыя ракурсы звычайных і не звычайных відаў на выдатных фотаздымках
Андрэй Несцераў (Мінск) - рэдкія (пакуль што), але пранікнёныя назіранні і мастацкія здымкі
Аляксандр Сербун (Брэст) - цікавыя здымкі і назіранні
Алег Кальчанка (Кобрын) - актуальныя каментары і творчыя справаздачы з разнастайных назіранняў
Мікалай Верабей (Любань) - выдатныя здымкі і цікавыя каментары
Аляксандр Семыкін (Брэсцкі раён) - пачуццёвыя здымкі
Маладыя і актыўныя бёдуотчары, пакуль рэдкія, але ў будучым, напэўна, актыўныя нашы аўтары: Дзяніс Табуноў (Брэст-Гродна), Алесь Страчук (Кобрын), Дзьмітры Шыманчук (Свіслацкі раён), Раман Шкабара (Горкі-Кобрынь), Аляксандр Рак (Маларыта), Юлія Патоцкая (Баранавічы)
Нашы замежныя сябры, без падтрымкі якіх наш сайт не стаў бы такім, якім ён ёсць цяпер: Леннарт Карлссан і Хокан Эртман (абодва – Швецыя) і фатографы, назіральнікі і каментатары: Віталій Хустачка (Украіна) і Святлана Вранава (Чэхія).

Шчыра дзякуем іншых зарэгістраваных (альбо пакуль не) нашых карыстальнікаў, якія сваімі каментарамі, меркаваннямі, пажаданнямі ці нават сваёй увагай робяць наш агульны сайт лепшым!

А цяпер некаторыя вынікі:
З 26.05.2009 (калі мы ўпершыню далучыліся да статыстыкі наведвання і вызначэння міжнароднага рэйтынгу) нас наведалі з 29146 кампутараў больш 115 тысяч разоў. Апошнія 2 дні (З і 4 мая) мы змаглі прыцягнуць на сайт больш тысячы чалавек. (паводле дадзеных Birding Top 1000)

А вось дадзеныя з Google.com за апошнія 11 месяцаў:
13386 наведвальнікаў прагледзелі 177563 старонкі на нашым сайце.
У сярэднім за адно наведванне праглядаецца амаль 5 старонак.
З 98 краін, з якіх заходзілі на наш сайт, пальму першынства ўтрымліваюць наведвальнікі з Беларусі: яны заходзілі 24586 разоў. Потым ідуць карыстальнікі з Польшчы (5719), Расіі (2611), Украіны (1322), Вялікабрытаніі (539), Швецыі (513), ЗША (445).
Цікавая статыстыка наконт таго, як людзі трапляюць на наш сайт. Аказваецца, на першым месцы (амаль 56%) – гэта пераходы са спасылак на іншых сайтах! Далей – амаль 33% выпадкаў – прамы набор нашай назвы ў браўзэры і 11% наведвальнікаў трапляюць на наш сайт праз пошукавікі.
Найбольш наведванняў адбылося праз непасрэдны заход на сайт: 12575 разоў. Потым ідуць наведвальнікі з сайту нашых партнёраў з Польшчы - www.peregrinus.pl . На трэцім месцы – заходы з пошукавіка Гугль (2733), далей пераход па ўнутраных спасылках нашага сайту (2493). Потым – з пошты mail.ru (2492), афіцыйнага сайту АПБ www.ptushki.org (1595), з пошты google.com (1499) і yandex (1467). Лінкі з іншых месцаў у інтэрнеце выкарыстоўваліся пакуль менш, чым у тысячы выпадкаў кожны.
Па колькасці заходаў на асобныя старонкі, канешне, лідзіруе он-лайн трансляцыя з гнязда сокала-пустальгі – на яе заходзілі 14149 разоў. Потым па папулярнасці ідуць раздзелы Нашы назіранні  - 9408 і Галерэя – 6368 праглядаў.
Старонка з табліцай вясновых прылётаў птушак у гэтым годзе праглядалася 1968 разоў. А лідэрам сярод асобных назіранняў – старонка з фотаздымкамі зімовай рэгістрацыі пад Гродна свірстуна, які на пры канцы вызначэння аказаўся горным (другая рэгістрацыя гэтага віду ў Беларусі) – гэтае назіранне праглядалі 1910 разоў!

Мы толькі ў пачатку цікавага шляху. Шмат працы, але і задавальнення ад таго, што яна атрымліваецца – яшчэ наперадзе. Будзьма разам – толькі так мы зможам дасягнуць большага!

Падрыхтавалі Дзьмітры Вінчэўскі і Ягор Мальшэўскі

На здымку Дзьмітрыя Вінчэўскага – сямейны бёдуотч – вось наша будучыня!
 

PS Паводле апытання на нашым сайце, большасць аддала свае галасы за тое, каб гэтую дату – 5 мая – лічыць Святам беларускіх бёдуотчараў!
Таму – са Святам Вас, сябры і калегі!

На гэтую тэму:
11 месяцаў, каб апынуцца сярод 50 самых папулярных сайтаў бёдуотчараў