Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Гракі і скарынка хлеба

Хаця мы даволі справядліва называем гракоў (Corvus frugilegus) усеяднымі птушкамі,зразумела, што ўсё яны есці не могуць. Хаця б з-за даволі выцягнутай, хаця і моцнай дзюбы ды іншых прыстасаванняў да жыцця, якія ў нечым дапамагаюць, а ў нечым перашкаджаюць і абмяжоўваюць.

Тым больш гэта становіцца бачна з рэшткамі нашай ежы. Кавалак хлеба і булачкі птушкі недзе знайшлі, а вось ні размачыць іх і потым есці, ні раздрабіць нармальна дзюбай у іх не атрымлівалася. Ці часу на гэта не было - галодныя былі. І памалу да невялікай кампаніі далучаліся новыя, сур'ёзныя,зсінімі адлівамі на пёрах, птушкі ў смешных чорных (так і карціць напісаць- скураных) шорціках.  Самае цікавае, што ніхто з іх не скандаліў, яны проста падыходзілі бліжэй і назіралі за тым, як ідзе працэс разюраблення скарынкі. І калі мелі магчымасць, до дапамагалі шчасліўцу сваёй дзюбай)

Толькі на прыканцы маіх назіранняў два гракі, якія стаялі параўнальна далёка ад месца дзеяння, счапіліся дзюбамі невядома за што...

27-12-2019, Гродна.

Аўтар - Дзьмітры Вінчэўскі

Каментары