Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Маладыя арланы-белахвосты: першыя шлюбныя гульні?

Хаця моцны вецер хутка змяняў сонечную пагоду на дождж і наадварот  дзве вялікія драпежныя птушкі, якія ляталі над Нёманам, здавалася, не звярталі на гэта ніякай увагі.

Вельмі магчыма, што два (ці будучая пара?) маладых арлана-белахвоста (Haliaetus albicilla) правяралі свае лётныя магчымасці і дэманстравалі іх адно аднаму задоўга да таго, як змогуць размнажацца. Бо становяцца полаваспелымі толькі ў 5-6 гадоў.

Мяркуючы па агульнай афарбоўцы пер'я, гэта былі або абедзьве птушкі першай, ці то святлейшая - другой сваёй зімы. Аднак вучыцца падбіраць партнёра не бывае зарана, і яны зляталіся і разляталіся, і адзін раз нават прадэманстравалі фігуру вышэйшага пілатажу:

 

https://youtu.be/6Lp-U5cN0q0

Цікава, што амаль у гэтым месцы з тыдзень таму мы назіралі дарослую пару - птушкі з яе добра адрозніваюцца ад маладых не толькі белым хвастом, але і жоўтай дзюбай і агульна больш светлым пер'ем. Куды яны падзеліся і чаму не рэагавалі на дэманстратыўныя палёты маладых птушак, не зразумела.

Дарослая птушка амаль у тым жа месцы:

птушка

23-02-2020, пойма Нёмана ў заказніка "Гродзенская Свіслач", Гарадзеншчына

Аўтар - Дзьмітры Вінчэўскі