Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Мой першы ток клікуноў

Балота Грайна гэтай зімой  замярзала і адмярзала ўжо як мінімум двойчы. Таму лебедзі-клікуны (Cygnus cygnus), якія звычайна выкарыстоўваюць яго і для начлегу, і для харчавання да марозаў, і зараз там у вялікай колькасці - пад 160 птушак.

Дзякуючы гэтаму атрымалася паназіраць за вельмі цікавымі паводзінамі, якіх раней я яшчэ не бачыў. Але хаця вялікая колькасць птушак, на першы погляд, гэта добра - ёсць мноства магчымасцяў і сюжэтаў для здымак, насамрэч гэта таксама і мінус - амаль паўсюль нешта адбываецца і проста не ведаеш каго здымаць і што там будзе адбывацца далей. 

Лебедзі пастаянна перамяшчаліся і па балоту, і адляталі прыляталі на яго. Але некаторыя сем'і пераляталі з нейкім асаблівым і спецыяльным шумам: крыкамі і плюханнем у ваду, уздымаючы воблакі з пырскаў. Ну а потым пачыналася прадстаўленне:

https://youtu.be/r6xJspnev8s

Але што дакладна адбывалася, я так і не зразумеў. Ці то дарослыя птушкі пацверджвалі свой партнёрскі статус, праганяючы іншых дарослых (як на першым відэа), якія падплылі заблізка (а там 'заблізка' адзін да аднаго  плавалі многія лебедзі нават і падазраючы што гэта можа быць небяспечна)? Ці то дарослыя лебедзі-бацькі праганялі ад сябе свой мінулагодні вывадак, але маладыя яшчэ не зразумелі, што ім ужо трэба станавіцца самастойнымі? Ці, наадварот, гэта быў сігнал маладым трымацца бліжэй бацькоў? Ці я бачыў усе гэтыя тыпы паводзін, але хачу іх інтэрпрэтаваць толькі праз адзін тып?

https://youtu.be/e36esxpw4Fo

Так ці інакш, выглядала гэта вельмі эфектна і з такой экспрэсіяй я крыкаў і прысяданняў з ківаннем галавой яшчэ не бачыў.

Грайна, Бераставіччына, 20-01-2020.

Аўтар - Дзьмітры Вінчэўскі

 

Каментары

Вельмі цікавыя моманты схоплены. Мне думаецца, што гэта рэпетыцыя "шлюбных гульняў". Пацяплела, трохі даўжэй стаў дзень, і ўсё гэта паўплывала на фізіялогію - невялікі гармональный ўздым ...