Як мінімум 5 самак і маладых рудахвостак-чарнушак (Phoenicurus ochruros), якія зараз знешне не адрозніваюцца, засталіся з гэтага боку былога піўзавода і рэгулярна прылятаюць кушаць ягады чорнай бузіны. Менавіта столькі я іх бачыў тут адначасова. Наўрацці гэта пралётныя птушкі, таму што прыкладна ў той жа колькасці я бачу іх тут штодзень.
Акрамя іх, ёсць тут і два самцы. Адначасова я іх не бачыў так выразна, каб адназначна вызначыць як самцоў, але зрэдку бачу, як адзін самец ганяе другую рудахвостку і яна напэўна таксама самец.
У адрозненне ад самак і маладых птушак, якія звычайна прылятаюць на чорную бузіну 1-2-3-4-5 этапамі, паступова сядаючы ўсё бліжэй і бліжэй да гронак з ягадамі, самец заўсёды прылятае з тэрыторыі былога піўзавода за адзін раз і адразу сядае на ягады.
Цікава, што ўчора самец з'еў 4 або 5 ягад і пасля вяртання на будынкі піўзавода, адразу запеў. Адляцеў ён таксама туды з бузіны адным "махам", як і прыляцеў адтуль.
18-19.09.2020, Гродна
Аўтар - Дзьмітры Вінчэўскі
__________________________-
Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.
- Увайдзіце ці зарэгіструйцеся каб пакідаць каментары.
КАМЕНТАРЫ