Дакументацыйныя здымкі
З восені мінулага году я час ад часу, прыкладна раз на два тыдні-месяц, знаходзіў разбітых і з'едзеных бяззубак на набярэжнай Нёману ад цэнтральнага пляжа да карчмы. Гэта гнездавыя тэрыторыі, якія вясной-летам кантралююць тры пары шэрых варон (Corvus corone cornix) і па папярэднім сваім назіранням я ўжо ведаў, што гэта менавіта іх здабыча.
Прычым двойчы мне атрымалася не толькі назіраць за 'працэсам', але і зняць яго на фота і відэа, вясной і зімой 2020 году.
З-за таго, што ўсе гэтыя назіранні адбываюцца толькі на 'нашым' беразе ракі і на адлегласці каля 600-700 паміж крaйнімі кропкамі, я думаю, што гэта работа адной пары птушак і іх патомкаў, максімум суседніх пар, якія навучыліся даставаць і разбіваць бяззубак самі і навучылі гэтаму параўнальна абмежаваную колькасць іншых варон, якія змаглі назіраць за гэтым зблізку. Але як насамрэч я, на жаль, не ведаю.
Гродна, 23-05-2024
Аўтар - Дзьмітры Вінчэўскі
PS Звярніце ўвагу, што як мінімум частка здабычы варонай не праглочана і знаходзіцца ў т.зв. пад'язычным мяшку і добра вылучаецца.
- Увайдзіце ці зарэгіструйцеся каб пакідаць каментары.
Каментары
pva - 24.05.2024 - 21:05
Цікавае назіранне. Вопыт -…
Цікавае назіранне. Вопыт - адно з паняццяў тэорыі пазнання. Веды, набытыя ў працэсе жыцця. Любая жывёліна можа назапашваць вопыт. Гэта пацвярджаюць шматлікія эксперыменты. У выніку атрыманы досвед заставаўся ў іх на працягу жыцця.