Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Шэрыя вароны і ‘разборкі’ у скверыку

шэрая варона

Дакументацыйныя здымкі

Калі прыкладна 10 дзён таму я ўбачыў першую пару шэрых варон (Corvus (corone) cornix), якія правяралі сваё старае гняздо, па чарзе седзячы ў ім, я і не думаў, што стану сведкай жорсткіх разборак паміж рознымі парамі варон зусім побач, у невялікім скверыку.

А справа аказалася ў падзеле высцілкі для гнязда – бо аснова з галінак пэўна ўжо была праверана, папраўлена і для больш камфортнай адкладкі яек і іх наступнай інкубацыі не хапала менавіта яе. На адлегласці ў некалькі метраў адна ад адной у збіранні кавалкаў кары і падобнага расліннага матэрыялу шчыравалі ажно тры пары варон, што мяне моцна здзівіла. Але гэтага дабра на зямлі пад дрэвамі было шмат, і птушкі, як мне падалося, нават ‘выдурняліся’ – набіралі поўную дзюбу матэрыялу ў адным месцы, потым кідалі гэта і тое самае рабілі ў метры ад папярэдняга месца збору.

І вось хутка гэтая ідылія скончылася – іншая пара варон (якія і былі пэўна сапраўднымі гаспадарамі гэтай тэрыторыі), атакавала з паветра адну з пар збіральнікаў, і тыя былі вымушаны хутка адлятаць з тым, што паспелі набраць у дзюбы:

Праз некалькі секундаў ў скверыку не засталося ніводнай з варон. Але ўвечары адна з параў (ізноў) была там і збірала нейкі падобны на пух матэрыял. Яўна для яшчэ лепшай высцілкі гнязда.

Гродна, 20-03-2023

Аўтар – Дзьмітры Вінчэўскі