КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Канаплянкі і дзьмухаўцы

канаплянка

З самага пачатку траўня, а калі пашанцуе - то і з канца красавіка - дзьмухаўцы становяцца аднымі з першых раслін, якія забяспечваюць насеннеядных птушак свежым насеннем. Спачатку птушкі шукаюць і знаходзяць толькі паасобныя 'спелыя' расліны на схілах з заходняй, ці наадварот, заходняй экспазіцыяй. А потым дзьмухаўцовага насення навокал усё больш і больш і знайсці бяспечныя месцы з ежай і добрым аглядам не праблема. І тады найлепшымі для канаплянак (Carduelis cannabina) становяцца дзьмухаўцы не на схілах, а на гарызантальнай паверхні, дыя яшчэ пажадана на адкрытых месцах. Камуфляжная афарбоўка дазваляе ім заставацца незаўважнымі нават на адлегласці ў 5-6 метраў - потым яны ўжо не спадзяюцца на яе і адлятаюць. Калі месца з дзьмухаўцамі вельмі добрае

Прылятаюць туды пад'есці канаплянкі ў парах - так колькасць вачэй, якія сочаць за сытуацыяй навокал ў параўнанні з асобнай птушкай павялічваецца ўдвая. Ну і самцу так 'спакойней' - калі самка побач і пад наглядам, можна есці без чакання патэнцыйных здрадаў. 

Аднак час масавага паспявання дзьмухаўцоў параўнальна хутка скончыцца, таму важна не скасіць і іншыя расліны, насенне якіх любяць птушкі ў нашых гарадах і за іх межамі. 

Гродна, 04-05-2023

Аўтар - Дзьмітры Вінчэўскі

Каментары

pva - 13.05.2023 - 10:57

Самачкі таксама прыгожыя стройныя птушачкі. Але самцы, з ярка кармінна-ружовай грудкай, проста прыгажуны. Шкада, што не патрапілі ў кадр. Дзьмухаўцы ў парку скошваюць, хаця яны ўпрыгожваюць першую траўку, і служаць кормам для канаплянак, чорнагалавых шчыгелаў ды іншых птушак.