Прайшоў амаль месяц, як Польскі зімародак апынуўся ў ... Вялікабрытаніі!Маладая птушка была злапаная ў арніталагічную сетку на ўзбярэжжы Англіі ў рэзерваце Orford Ness. Аказалася, што зімародак (Alcedo atthis) быў акальцаваны ў польскім нацпарку Drawieńskim 6 ліпеня як птушаня і па прамой адлегласць да месца адлову склала 971 км.
Арнітолаг Раман Кухарскі (Roman Kucharski), які акальцаваў птушку, адзначыў, што зімародкі, акальцаваныя ў Польшчы былі рэгістраваныя ў Гішпаніі (2100 км), Францыі (1200 км), а таксама між іншым у Швейцарыі і Харватыі. Таму птушка, якаяа заляцела на Брытанскія астравы, яўна не стала рэкардсменам. Звычайна вандроўкі на вялікую адлегласць прадпрымаюць маладыя птушкі, тады як дарослыя стараюцца трымацца сваіх гнездавых тэрыторый.
У поймах рэк Drawa, Wda i Brda гняздуе найбольшая польская папуляцыя зімародкаў. Раман Кухарскі сказаў, што апошнія тры гады былі доўгія і марозныя зімы, а гэта цяжкі час для зімародкаў і многія птушкі загінулі з пераахалоджання і недахопу ежы. Аднак польскія даследчыкі мяркуюць, што маладая птушка вернецца ў нацыянальны парк наступнай вясною каб гнездаваць амаль у тым месцы, дзе з’явілася на свет
Паводле PAP Nauka w Polsce праз www.birdwatching.pl падрыхтаваў Дзьмітры Вінчэўскі для www.birdwatch.by
Здымак зімародка Мікалая Гулінскага
На гэтую тэму:
Новы рэкорд - мільён закальцаваных птушак за год
Выратаваць туамоцкіх зімародкаў
Новыя рэкорды куліка-каменешаркі
Эпічныя міграцыі палярных крычак пацверджаны сучаснымі тэхналогіямі Незвычайныя птушыныя падарожжы
- Увайдзіце ці зарэгіструйцеся каб пакідаць каментары.
КАМЕНТАРЫ