Рэпрынт кнігі Ўладзіслава Тачаноўскага "Ptakі krajowе"(1882) можна замовіць

 Усім, хто цікавіцца птушкамі і гісторыяй іх вывучэння, напэўна знаёмая хаця б па назве знакамітая кніга Ўладзіслава Тачаноўскага “Нашы птушкі” ("Ptaki krajowe"), якая выйшла ў 1882 г. і стала настольнай для наступных пакаленняў арнітолагаў. У пачатку 2010 году яна была адсканаваная і з’явілася магчымасць спампаваць яе ў лічбавым выглядзе. А цяпер Любельскае арніталагічнае таварыства (Lubelskie Towarzystwo Ornitologiczne (LTO) прапануе замовіць рэпрынт гэтага кампедзіўма ведаў пра тагачасных птушак нашага рэгіёну. 

 

Рэпрынт будзе выкананы фотааўсетнай тэхнікай у двух тамах – адпаведна на 490 і 406 старонках. Было зроблена ўсё магчымае, каб перавыданне захавала дух арыгіналу і выглядала падобна. Для гэтага для выдання была выкарыстаная адмысловая сатынаваная папера. Матэрыял вокладкі быў размельчаны паводле тагачасных тэхналогій з матэрыялу, прывезенага з Гішпаніі. Для кожнага тому падрыхтавана супервокладка з малюнкамі Łukasza Bednarza.

Прэзентацыя перавыдання адбудзецца на юбілейным з’ездзе LTO 24 лістапада ў Zwierzyńcu.

    Замовіць кнігі можна ўжо цяпер – кошт камплекту гэта 130 zł. (каля 43 даляраў). Да кожнага камплекту кніг дадаецца ўкладка з біаграфічным нарысам пра У.Тачаноўскага. Першыя 50 асобаў, якія замовяць рэпрынт, бясплатна атрымаюць календар на 2013 год з фотаграфіямі аўтарства выдатнага сучаснага польскага фотаанімаліста Marcina Lenarta.

З-за таго, што наклад кнігі абмежаваны, рэалізацыя замоваў будзе адбывацца згодна з часам атрымання заяўкі, г.зн., што больш раннія заяўнікі атрымаюць кнігі раней.

Свае заяўкі кіруйце на электронны адрас крамы LTO:  sklep@lto.org.pl 

Прадстаўнікі крамы скантактуюцца з Вамі.  

Паводле рассылкі LTO падрыхтаваў Дзьмітры Вінчэўскі для www.birdwatch.by

 

На гэтую тэму:

Самая знакамітая кніга Ўладзіслава Тачаноўскага даступная он-лайн!