"Саракі"- 2016 у Горадні + VIDEO

Фальклорна-экалагічнае свята “Саракі” штогод праводзіць Гродзенская абласная станцыя юных натуралістаў, якая з часам ператварылася ў Гродзенскі абласны эколага-біялагічны цэнтр дзяцей і юнацтва (“Саракі”- 2010 можна глянуць ТУТ). Звычайна, як і ў гэтым годзе, ў ім прымаюць удзел каманды дзетак і падлеткаў з усіх раёнаў Гарадзеншчыны (сёлета не даехала каманда толькі са Смаргоняў).

За 10 хвілін камандам трэба расказаць пра і паказаць хаця б адзін від нашых птушак, а таксама пажадана звязаць сюжэт прадстаўлення з фальклорам і святам “Саракі”. Розным камандам гэта ўдавалася па-рознаму. Але касцюмы некаторых каманд і падрыхтоўка да выступу заставілі вельмі прыемныя ўражанні. Як заўсёды, многія каманды выбіралі Птушку году ў якасці віду, які яны прадстаўлялі – такіх каманд аказалася найбольш і сёлета – ажно 7 з 20. Іншыя папулярныя віды, касцюмы якіх былі больш ці менш падобныя да прататыпаў, я і вырашыў паказаць ніжэй разам з некаторымі цікавымі момантамі сёлетніх “Саракоў”.

Горадня, гімназія №4, 02-04-2016.

Аўтар – Дзьмітры Вінчэўскі

На верхнім здымку - Вясна з пас.Пагранічны (Бераставіччына) Ніжэй -  сычы-сіпелі і сівагракі адтуль жа:

Гіль са Шчучына:

Сарока з Воранаўскага раёну:

Жаўрукі з Гродзенскага абласнога эколага-біялагічнага цэнтру дзяцей і юнацтва ў фальклорным адзенні і троху ў птушыным:

і жаўрукі ў выглядзе выпечкі:

"Варнянскія гагаляты" з Астравеччыны:

Смая інтэрактыўная каманда - "Жаўрукі" з гімназіі №5 Гродна:

Жаўручок з цеста:

Гогаль з Навадворскай школы, Свіслаччына:

Вясна са Скідаля, Гродзенскі раён:

Пара лебедзяў-шыпуноў (тут і ніжэй - са Скідаля):

Ластаўка з Казлоўшчыны (Дзятлаўскі раён):

Надзвычай прыгожыя гогалі з Чарнеляў (Іўеўшчына):

Арнітолаг з Селявіч (Слонімшчына):

і жаўрукі як сымбалі і ў выглядзе выпечкі:

Гогаль і паляўнічы спяваюць рэп (Ліда):

Жабка з каманды лебедзяў-шыпуноў (Ваўкавыск):

Вясковыя ластаўкі з Ёлкі (Зэльвенскі раён):

Школа гагалятаў з Наваградка (каманда перамагла):

Шэрая варона ў гнязда (Лунна, Мастоўшчына):

Гогалі з Ліды хутка пераўтварыліся з дзяўчын і хлопцаў у народных строях у птушак (каманда заняла другое месца):

Скончылася ўсё вельмі вялікай колькасцю калорый, якую прыйшлося пасля прэзентацый засвоіць Журы...