Сокал-пустальга LIVE-2022: Брэст, Беларусь ::: Kestrels’ nests LIVE-2022: Brest, Belarus 13-ы сезон :: 13th season

Сёння ўдзень на першым гняздзе самец прыляцеў без здабычы, потым  адлятаў-вяртаўся, а потым гадзіну праседзеў у нішы, надзьмуты.

На першым гняздзе вельмі прыемна назіраць за зменамі самца на самку на кладцы.

Каб самец саступіў ёй месца, адзін раз сёння самка наступала хворай лапай на самца, а яшчэ раз ласкава цягнула за пёры на галаве)

На другім гняздзе засталося 5 яек - як я і прадказваў учора. Думаю, што кладка большай ужо не стане.

Самка працягвае шчыльна наседжваць, робячы кароткія перапынкі.

Самец фармальна падмяняе яе пад час перакусаў, але амаль не наседжвае і звычайна адлятае яшчэ да вяртання самкі.

Интересная поведение происходило в ~19:20 на первом гнезде. Самец вернулся в нишу "с пустыми руками". Самка увидев это, после короткого "общения" с самцом куда то удалилась. Далее события развивались по стандартной процедуре)

Меня тут заинтересовало то, что на этот раз самец НЕ позвал "по сигналу" самку из гнезда, чтобы лично передать добычу в другом месте, а как будто сперва припрятал где то "ужин" и лишь по возвращению в гнездо "отчитался" где искать пищу.

На першым гняздзе сёння ізноў адбываліся кранальныя (ад слова дакранацца))) адносіны пад час замены партнёраў на кладцы:

Здаецца, у наваколлі першага гнязда працягваецца разбой.

У 21:04 самка закрычала і паляцела з нішы.

Праз 20 секунд прыляцеў самец без здабычы, сеў на кладку.
Яшчэ праз 20 секунд прыляцела нейкая самка, ня факт, што "нашая", зазірнула ў нішу, зляцела.

Праз дзьве хвіліны вярнулася ўжо дакладна "нашая" самка і звыкла "выціснула" самца з кладкі.

...здаецца, рысачкі ў галавы ў 21:05:40 і галавы ў 21:08:10 розныя...

Нейкая самка:

"Свая" самка, зараз прагоніць:

Самка на другім гняздзе пачала шчыльна наседжваць кладку, робіць толькі кароткія перапынкі. Таму думаю, што яек больш не будзе - заўтра пасля абеду ўбачым ці я памыляюся.

Самец жа толькі робіць выгляд, што падмяняе самку - сапраўды грэў яйкі, а не знаходзіўся побач з імі максімум 5 хвілін за ўвесь дзень)

Затое ізноў прынёс яшчарку. Можа іх было і больш, чым 1, але самка так хутка хапае здабычу ад самца, што нічога разглядзець там немагчыма.

У 19:58 самкі з абодвух гнёздаў занепакоіліся, пакрычалі, павыглядалі з нішаў... на першым гняздзе ў выніку вярнулася на кладку, а на другім - на тры хвіліны кудысьці адляцела, потым вярнулася.

І, падобна, у 19:02 самца з першай нішы зноў абрабавалі, бо прыляцеў без анічога, адразу павярнуўся да вуліцы, і звонку нешта паласатае мільганула - нібы яшчэ адзін сокал

На другім гняздзе ж працягваецца амаль ласкавае супрацьстаянне самца і самкі пад час падменаў на кладцы.

Выкарыстоўваюцца і перамовы, і наступ, і часам фізічны супраціў, але ўсё заканчавецца добра)

Так, ёсць 5-е яйка ў другім гняздзе!

Тэарэтычна можа з'явіцца і 6-е (праз двое сутак) ці нават 7-е (праз чацьвёра).

Самка інкубуе іх з перапынкамі, а самец так і не навучыўся гэта рабіць як след.

За некалькі прылётаў у нішу добра, калі агулам наседжваў яйкі пад час замены самкі 10 хвілін.

Затое прынёс першую яшчарку - пацяплела і яны сталі нашмат больш актыўныя і заўважныя.

Пятае яйка на другім гняздзе.
(і яшчарка)

На першым гняздзе вельмі цікава назіраць за заменамі партнёраў на кладцы.

Самец штораз стараецца хутчэй сесці на яйкі пакуль самка кушае. А вось з яе вяртаннем на кладку часта бываюць праблемы - не хоча ён саступаць самцы месца і часам чакае на фізічны кантакт)

Але самка ўжо ведае, што і як рабіць)))

На другім гняздзе самка працягвае інкубаваць яйкі  больш-менш працяглымі перaпынкамі.

Самец жа быў заўважаны ў нішы толькі раз увечары. Прыляцеў калі самкі ўжо не было і за 10 хвілін яе адсутнасці пасядзеў на яйках можа хвіліну.

Усё ж не яго гэта справа)

У першай нішы ўсё было добра і спакойна аж да вечара, калі іншая самка выхапіла здабычу ў самца як толькі ён падляцеў да нішы.

'Наша' самка ўскочыла з яек і пакрычала, канешне - але што зробіш?

Цікава, што самка з другога гнязда ў гэты час была ў сваёй нішы і таму гэта была не яна - нейкая трэцяя пустальга.

Так, прыкладна каля 14 гадзін у другім гняздзе самка адклала 4-е яйка!

Як і раней, іх інкубацыя адбываецца з доўгімі перапынкамі.

Цікавыя перамены адбыліся ў паводзінах самца калі самка кушае і ён яе падмяняе:

зранку ён сеў на яйкі на некалькі секунд, у абед - хвіліны на 2, а ўвечары прасядзеў каля паўгадзіны (хаця і з перапынкамі).

Так што адказнасць за патомства ўзрастае з яго колькасцю)

Чацьвёртае яйка на другім гняздзе.

На першым гняздзе без зменаў, пара дружна наседжвае кладку.

Цікава, што пасля абеду самец прыляцеў у нішу пустым і самка каля 10 хвілін 'папракала' яго за гэта)