Купальны дзень

Многія, напэўна, думаюць, што пляж патрэбен толькі для людзей і толькі ўлетку.

Аднак яго перавагі перад іншымі часткамі берагу ведаюць і выдатна выкарыстоўваюць многія птушкі.

Па-першае, вада ў пляжа неглыбокая (бераг не ўрвісты) і дазваляе спакойна зайсці ў ваду выйсці і з яе пасля купання.

2) Плынь там нябыстрая (калі ўвогуле заўважная)

3) магчымыя ворагі могуць быць заўважаныя здалёк, бо нават там, дзе людзі не насыпалі і не параўналі пясок, расліннасць нізкая.

4) зноў жа вораг можа быць заўважаны загадзя і ўсе папярэджаны пра небяспеку дзякуючы вялікай плошчы пляжу, які прымае адразу шмат птушак. Значыць, заўсёды можна расслабіцца і паплюхацца, бо нехіа іншы напэўна пільнуе.

У сонечны зімны дзень пляж не пустуе - яго займаюць крумкачовыя птушкі. Найбольш шматлікія - шэрыя вароны (Corvus (corone) cornix):

Вароны купаюцца, чысцяцца і адлятаюць. На іх месца прылятаюць новыя.

Каўкі (C.monedula) і гракі (C.frugilegus) таксама прылятаюць на пляж. Але вядуць сябе больш асцярожна. І хаця часам змешваюцца з варонамі, стараюцца трымацца сваёй кампаніяй:

Снежань 2014, Нёман, Горадня.

Аўтар - Дзьмітры Вінчэўскі