У Горадні гняздуе самка пустальгі з Польшчы

Сёньня пад час чарговых здымак фільма пад умоўнай назвай "Сокал над горадам", якія вядзе ў нашым  горадзе каманда Ігара Бышнёва, акрамя цікавых момантаў на гняздзе на будынку Белтэлекома, атрымалася зрабіць важнае адкрыцьцё:

самка з гэтага гнязда акальцаваная!

Цікава, што тры апошнія гады, калі мы назіраем за гэтым гняздом, на ім самыя раннія птушаняты:

Пасля аднаго з чарговых прылётаў самкі на гняздо, Ігар зрабіў некалькі здымкаў. Пры іх праглядзе ён і заўважыў - на правай назе самкі кальцо:

Цікава, што птушанят аказалася шэсць - чатыры вялікіх і два меншых, якім самка адмыслова панесла здабычу:

Гэта не вельмі спадабалася аднаму з большых, які схапіў маму за пёры:

Пры бліжэйшым праглядзе аказалася, што кальцо польскае. Пры чым замацаванае даволі дзіўна, што можа палегчыць індывідуальнае распазнаьне птушкі тым, хто яе кальцаваў.

Гэта пацверджвае маю гіпотезу пар тое, што менавіта птушкі з захаду (польскіх гарадоў) прыляцелі да нас займаваць падобныя нішы. Аднак зусім не адмаўляе іншых гіпотэз - пра пашырэньне ў новых для птушак умовах мясцовых птушак і іх патомкаў.