Пазнаёміцца з прынцыпамі вызначэння і кальцавання птушак, авалодаць рознымі метадамі іх адлову, дапамагчы супрацоўнікам Станцыі кальцавання ў Тураве ў выкананні навуковага праекту, выдатна правесці час у кампаніі аднадумцаў і разнастайных птушак - усё гэта (і не толькі!) можна будзе здзейсніць падчас Студэнцкага летніка АПБ па кальцаванню птушак.
Летнік адбудзецца з 25 па 31.07.2011 г. на базе Тураўскай станцыі кальцавання птушак. Тураўская станцыя пры Цэнтры кальцавання НАН Беларусі – адзіная ў Беларусі і працуе ўжо больш за 10 год, за гэты час назапашаны багаты досвед па кальцаванню розных груп птушак, з якім змогуць пазнаёміцца ўсе ўдзельнікі летніку. Акрамя непасрэдна кальцавання птушак можна будзе ўбачыць шматлікіх мясцовых і мігрыруючых праз гэтыя прыгожыя мясціны – пойму р.Прыпяць – віды птушак.
Праезд у г.Тураў (Жыткавіцкі р-н Гомельскай вобласці) і назад, пражыванне і харчаванне, тэарэтычныя матэрыялы аплачваюцца ці забяспечваюцца арганізатарамі. Правядзенне летніку магчымае дзякуючы падтрымцы Шведзкага арніталагічнага таварыства SOF.
У праграме летніку:
Знаёмства з аднагодкамі – студэнтамі з іншым універсітэтаў і супрацоўнікамі Станцыі
Знаёмства з асноўнымі метадамі адлову птушак.
Знаёмства з прынцыпамі кальцавання, як асноўным метадам даследавання міграцыі.
Правядзенне навуковых даследаванняў па вывучэнню негатыўнага ўздзеяння ЛЭП на птушак.
Знаёмства з прынцыпамі палявых даследаванняў.
Акрамя тэарэтычных ведаў, удзельнікі атрымаюць добрую практыку прымаючы ўдзел у непасрэдна працы Станцыі.Да ўдзелу ў летніку запрашаюцца сябры АПБ - студэнты 1-5 курсаў біялагічных факультэтаў, якія ў той ці іншай ступені цікавяцца даследаваннямі птушак.
Заяўку на ўдзел у летніку можна дасылаць у вольнай форме на паштовую скрыню tyteishi@gmail.com пазначыўшы ў лісце:
-поўнае імя і прозвішча
-кантактную інфармацыю: нумар мабілкі, адрас электроннай пошты
-курс, факультэт, універсітэт
-якія аспекты бяілогіі птушак цікавяць больш за ўсё?
-спіс навуковых артыкулаў ці тэзісаў (калі яны ёсць)
-наяўнасць на час летніку бінокля і палявога адзення-абутку
-асабістыя пажаданні і ўпадабанні ў ежы.
Колькасць месцаў для ўдзелу ў летніку абмежаваная, таму перавага будзе аддавацца заяўкам, якія былі дасланы раней і студэнтам, якія займаюцца непасрэдным вывучэннем птушак.
За падрабязанай інфармацыяй можна звяртацца да неапсрэднага арганізатара Яўгена Сліжа:
мабілка лайф +37525 9191747, tyteishi (skype), tyteishi@gmail.com
Здымак з аднаго з папярэдніх студэнцкіх летнікаў Рамана Шкабары
- Увайдзіце ці зарэгіструйцеся каб пакідаць каментары.
Comments
hi-astacus - 28.06.2011 - 23:05
а с 29 по 31 можно приехать
а с 29 по 31 можно приехать
Kiolk - 29.06.2011 - 10:00
In reply to а с 29 по 31 можно приехать by hi-astacus
А што вы буддзеце рабіць з
А што вы буддзеце рабіць з 25 па 29, калі не сакрэт? Я думаю ўсё магчыма, дасылайце вашую заяву з пазнакай тэрмінаў удзелу, і бліжэй да летніка я змагу дакладна сказць, ці гэта будзе магчыма.
hi-astacus - 29.06.2011 - 14:24
практіка у меня в эті дні, а
практіка у меня в эті дні, а 29 зачет, хорошо я отправлю заявку
Ананім (госць) - 01.07.2011 - 12:45
надо бы добавить в программу
Raven - 05.07.2011 - 01:34
А почти студенты совсем не
А почти студенты совсем не биологических факультетов к участию допускаются? :)
Kiolk - 05.07.2011 - 09:47
In reply to А почти студенты совсем не by Raven
Калі ласка дасылайце свае
Калі ласка дасылайце свае анкеты, а я ўжо з задавальнененм разгляджу іх.