Перамаглі кобрынцы і калегі з Польшчы

Ужо традыцыйна, ў чацвёрты раз наш сайт Birdwatch.by мае магчымасць узнагародзіць аўтараў найлепшага рэпартажу і найлепшага здымку з чарговага Чэмпіянату па спартыўнай арніталогіі. Сёлета галоўны прыз прадстаўлены бельгійскімі бёдуотчарамі.

Узнагароду – самы лепшы і самы сучасны вызначальнік птушак Еўропы „Collins Bird Guide”на англійскай мове (другое, перапрацаванае выданне, якое ўбачыла свет у 2010 годзе) і ў цвёрдай вокладцы атрымае за свой рэпартаж Rallus 2012: 6.13 – филин, 17. 57 – сирийский дятел

Алег Кальчанка. За яго аддалі свае галасы, або “плюсы”, сем чалавек. На другім месцы апынуўся рэпартаж маладой, але амбіцыйнай каманды Палескія свіргулі - 73 віда, якія набралі 5 плюсаў. На трэцім справаздача Чацвёрты раз – усё цікавей і непрадказальней яшчэ адной берасцейскай каманды “Прыпяцкі плёс”. 

Сярод фотаздымкаў два набралі аднолькавыя балы: здымак малінаўкі і звычайнай рудахвосткі, аўтар - Tomasz Kułakowski - ўдзельнік сёлетняга Бёдрэйсу і прэзідэнт Польскага таварыства аховы птушак РТОР:

і арыгінальна названы здымак каманды “Ластаўкі” Kobiety na lunety, аўтар - Jarosław Stepaniuk:

З-за таго, што першы здымак быў размешчаны раней, прыз – саколку з логатыпам нашага сайту - атрымае Tomasz Kułakowski.

На верхнім здымку Валерыя Кавалёнка яго каманда Rallus-2012, якая і атрымае наш прыз-вызначальнік.

На гэтую тэму:

Упершыню ў Чэмпіянаце па спартыўнай арніталогіі перамагла гомельская каманда