КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Гілі Цнянскага вадасховішча.

Бераг Цнянскага вадасховішча, Зялёны Луг, Менск. 18 студзеня 2013. 14.55.

Ля дзясятка гілёў ласавалася насеньнем на азьнятым дрэве. Падпускаюць дастаткова блізка. Пры сполаху праз некаторы час вяртаюцца. Пеўнікаў значна больш, чым курачак. 

Фотаздымкі

Каментары

Falcon - 18.01.2013 - 21:34

 Ніколі раней не чуў, каб самцоў і самак вераб'іных птушак называлі "пеўнікамі" і "курачкамі" адпаведна.

Не зусім зразумела, што такое азняты. Як гэта слова перакладаецца на рускую мову?

Уладзя (госць) - 18.01.2013 - 23:01

Не хапае падвойных косак (пераносны сэнс). Здымак - здымаць - зьняць ці азьняць. Адсюль - што лепш "зьнятае" дрэва, ці "азьнятае"? Пераклад: Снятое (сфотографированное) дерево.

Falcon - 18.01.2013 - 23:36

Наконт падвойных косак - я ведаю пра гэта, проста паленаваўся ставіць. Але двухкоссе у маім каментары павінна ставіцца таму, што там было слова малавядомае, якое я хацеў вылучыць. А пераноснага сэнсу там няма. Але за заўвагу усё роўна дзякуй.

А наконт таго, як лепей перакласці "снятый" - "зняты" не рэжа вуха, чаго не скажаш аб перакладзе "азняты".

Уладзя (госць) - 19.01.2013 - 00:10

Кожная асоба знаходзіцца ў сваёй семантычна-знакавай прасторы. Адсюль - і зрокавае, і гукавае ўспрыманьне рознае. І першае, і другое хутка адаптуецца, калі адчуваецца логіка. Адыж, калі сказаць пра сябе, дык я ніколі не ўжываў і не зьбіраюся ўжываць слоўца "блин".

araty - 19.01.2013 - 15:58

 Сябры, не будзем сварыцца! А лепш скарыстаемся парадай старшыні ТБМ, які параіў сваім студэнтам, жадаючым перайсці на беларускую мову: "Лупіце на трасянцы!" Жадаю усім узаемапавагі. З Вадохрышчам Вас!

Falcon - 19.01.2013 - 17:20

 Якая ж то сварка? Гэта, можна сказаць, дыспут на тэму правапісу) А дыспут вядзецца пры ўмове ўзаемапавагі) Парада, канешне, парадавала, пасмяяўся)

Дзякую за віншаванне, і Вас таксама са святам!

Проніч - 19.01.2013 - 18:41

Аніякай сваркі. Я паважаю Мікіту, і любое пытаньне (не адно да мяне) прымаю з паразуменьнем і цікавасьцю. Мяркую, што наш дыялог жывіць сяброў сайта. Удзячны таксама AV, асабліва за ясень. Добры жарт. Дзякуй Araty за здаровую пазіцыю і віншаваньне. З вадохрышчам, сябры розных канфесій! Калі прапусьціць Harrier, выстаўлю сьвяточную хроніку зь Ёдкаўскага вострава, на мой погляд цікавую: пайшоў за птушкамі - сустрэўся з мужнымі і дужымі людзьмі.