Марскія леапарды пачалі паляваць на качак

   Пад час штогадовых даследаванняў вялікіх млекакормячых – марскіх леапардаў, якія жывуць ля вострава Bird (Птушка) ля антарктычнага ўзбярэжжа Паўднёвай Джорджыі, даследчыкі заўважылі незвычайныя паводзіны некаторых з іх – яны пачалі паляваць на качак!

   Звычайна марскія леапарды жывуць асобна адзін ад аднаго, але вялікая колькасць здабычы ў вострава Бёд прыцягвае сюды параўнальна шмат гэтых вялікіх жывёл на зімовыя месяцы (з красавіка па верасень). Часам на лёдзе яны ўтвараюць сапраўдныя “грамадзкія пляжы”. Звычайна леапарды палююць на іншых марскіх звяроў, рыбу і нават крыль, часам – на пінгвінаў. А вось выпадкі палявання на качак былі ўпершыню заўважаныя Эванам Эдвардсам (Ewan Edwards) з Брытанскай Антарктычнай экспедыцыі (British Antarctic Survey (BAS)) толькі ў 2008 г..
Даследчыкі з BAS праводзяць рэгулярныя назіранні ў гэтым месцах з канца 1960-х гг.
Цікавыя назіранні былі апублікаваныя ў апошнім нумары часопіса Polar Biology.

    Слайд-шоў са здымкаў пра марскіх леапардаў і іх незвычайнае паляванне на качку-шылахвостку можна тут:
http://news.bbc.co.uk/earth/hi/earth_news/newsid_8237000/8237714.stm

Паводле www.news.bbc.co.uk падрыхтаваў Дзьмітры Вінчэўскі для www.BirdWatch.by