Нёманская Свіслач і балота Грайна ўзімку

У Сусветны дзень водна-балотных угоддзяў асабліва прыемна ўбачыць пойму Свіслачы так, як яе бачаць птушкі.

На вялізны жаль, у 1960-я (?) частка ракі была каналізаваная - ад мяжы з Польшчай да в.Ярмолічы, ніжэй і да ўпадзення ў Нёман рака ужо засталася амаль у натуральным стане і уваходзіць, разам з нізінным пойменным балотам Грайна (на верхнім здымку) і некаторымі навакольнымі мясцінамі ў заказнік "Гродзенская Свіслач".

Аднак і на спрамленым некалі ўчастку бачна, што рака не хоча цячы прама, а ў некаторых месцах, бліжэй в.Водла, захавалася амаль цалкам і старое, прыроднае русла, якое выглядае як старарэччы. У некаторых з іх стаіць вада.

Таму рэнатуралізацыя гэтай часткі Свіслачы была б параўнальна лёгкай - старое русла ёсць, трэба толькі пусціць у яго раку.

На наступных здымках бачна пойма ў в.Ярмолічы і ў в.Літвінкі. Ну і асушаная пойма - на апошнім.

23-01-2021, Гарадзеншчына

Аўтар - Ірына Варкулевіч

__________________________

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.