Сокал-Пустальга LIVE-2024: Брэст, Беларусь ::: Kestrels nests LIVE-2024: Brest, Belarus 15-ы сезон :: 15th season

Ёсць 1-е яйка ў першай нішы!!!

Самец у 12:19 прынёс палёўку ў першую нішу, а самкі там няма. Пішчыць-кліча яе і не ведае што з той здабычай рабіць ужо 3 хвіліны:

Здравствуйте! Планируется ли включение камеры ночного видения в первой нише?

У 19:05 кароткая капуляцыя на першай нішы. Пасля яе самка пайшла перабіраць жвір-керамзіт, а потым вярнулася туды, дзе і сядзела - у першую адтуліну.

У 18:59 самец прынёс палёўку ў першую нішу і амаль адразу за ім прыляцела самка.

І яна амаль ўзяла здабычу адзін, другі, трэці раз, але ў рэшце рэшт самец палёўку не аддаў  і адляцеў з ёй. Самка яўна не магла паверыць, што ён нічога ёй не заставіў, але за ім не паляцела - засталася ў нішы.

У 10:37 перадача палёўкі ў першай нішы. Самец аддаў яе амаль адразу, застаўся ў нішы, а самка адляцела есці.

Самка з першай нішы выбрала ўсё ж цэнтральную ямку для адкладкі яек?

Абедзьве пары збіраюцца начаваць у сваіх нішах?

Вось і самка ў першай нішы ўжо паглыбляе другую, 'цэнтральную' гнездавую ямку ў 18:55.

У 18:21 перадача палёўкі ад самца самцы з дзюбы ў дзюбу - давер адно да аднаго на первай нішы павялічваецца.

У 16:09 прыляцеў самец і прысядае-правярае другую гнездавую ямку ў першай нішы, яна ўжо выкапана па яе цэнтру:

У 10:44 самец хацеў праверыць і, напэўна, паглыбіць гнездавую ямку, але чамусьці перадумаў і прайшоў да бліжэйшай да камеры адтуліны, перабіраючы ці то смецце, ці то жвір-керамзіт. 

Сёння самка не толькі капала гнездавую ямку ў першай нішы, але і перабірала і праглынала (?) керамзітавы жвір ці нешта дробнае з яго. І я паумаў, што магчыма такім чынам яна збіраецца атрымаць дадатковы рэсурс кальцыя (з гліны) для фармавання яек. Бо драпежным птушкам, у адрозненне ад насеннеядных відаў , каменьчыкі-гастраліты яўна непатрэбныя:  

І самка зноў начуе ў нішы:

Здаецца, у другой нішы самец таксама капае гнездавую ямку, але ў мёртвай зоне пад камерай:

Увечары самец прынёс самцы з першай нішы палёўку і аддаў. Але доўга сам на другой адтуліне сядзець не змог і пайшоў да самкі, якая ў гэты час яшчэ ела:

Спачатку самка, а потым і самец прысядаюць і капаюць гнездвую ямку ў дальнім ад камеры кутку першай нішы ў 16:27-29:

Самец пасля працяглай паўзы пр. у 11:07 нарэшце перадаў палёўку самцы, якая выпрошвала яе з суседняй адтуліны ў першай нішы.

У абодвух нішах з самай раніцы адбываецца рух, прылятаюць і самцы, і самкі.

А ў першай самка ізноў начуе:

У другой нішы сёння таксама сядзеў самец:

А ў першай заначавала самка:

Вітаем усіх нашых былых, пастаянных і новых гледачоў! 

У гэтым сезоне мы зноў можам назіраць за сямейным жыццём сакалоў з самага пачатку - фармавання пар.

У кожнай з двух гнездавых ніш, якія знаходзяцца пад назіраннямі нашых камер, ужо ёсць 'гаспадары'-самцы і цяпер іх задача, каб іх выбралі і засталіся з імі для гнездавання самкі. 

Тут, у каментарах мы збіраемся на скрыншотах і відэа з ніш паказваць самае цікавае і па магчымасці, тлумачыць што адбываецца і магчыма, чаму. Вітаюцца і Вашы скрыншоты з назіраннямі і пытаннямі. Разам глядзець будзе цікавей і больш інфарматыўна для ўсіх нас.

Самец назірае за наваколлем з першай нішы: