Сокал-Пустальга LIVE-2024: Брэст, Беларусь ::: Kestrels nests LIVE-2024: Brest, Belarus 15-ы сезон :: 15th season

Ёсць 4-е яйка на першым гняздзе!

У 19:15-20 адбылася цікавая гісторыя:

прыляцеў самец і самка амаль адразу адляцела. Самец застаўся ў той самай адтуліне, праз якую прыляцеў і не сядаў на яйкі як звычайна. А потым аказалася, што ён не аддаў самцы палёўку, якую прынёс ці не аддаў другую (?) і панёс яе ў іншы канец нішы, дзе яе ў рэшце рэшт і забрала самка, якая вярнулася) А самец нарэшце сеў грэць яйкі 'на падмену', як робіць заўсёды.

Незразумела, ці самка ўжо наседжвае яйкі, ці 'стаіць' над імі як ў 10:44, ці камбінуе першае з другім:

Абодва бацькі 'дасыпаюць' на гняздзе тое, што не змаглі ўначы)

Каля 18 гадзін самка з першай нішы адклала 3-е яйка!

Самец з мокрай ад даджджу галавой прынёс грызуна ў першую нішу, аддаў самцы і адразу замяніў яе на яйках.

За некалькі хвілін і паспаў, і абсох і далучыўся да самкі. А потым і самка вярнулася інкубаваць яйкі.

Самка на першым гняздзе ўсё ж села на яйкі. Але ці яна грэе іх, ці проста сядзіць над імі стане зразумела толькі праз месяц, калі ўбачым колькі птушанят вылупяцца адначасова.

Паўтараецца мінулагодняя гісторыя, калі самка не магла 'выгнаць' самца з нішы на паляванне, бо ён падмяняў яе там, дзе яна спраўлялася сама.

Уключылася начное асвятленне на першай нішы. І самка вырашыла з інкубацыяй пачакаць.

Самка ўсё не можа вырашыць - пачынаць ёй ужо наседжваць яйкі, ці яшчэ не. Ходзіць да іх і да адтуліны і вяртаецца, але пакуль яшчэ шчыльна не села. А самец наседжвае ўжо абодва яйкі.

Ёсць 2-е яйка на першым гняздзе!

Не зразумела, ці то самка з першай нішы хоча адкласці другое яйка і таму сядзіць на першым, ці то ўжо ўзялася інкубаваць яго?

А самец дапамагае - не паспавявае самка адляцець з прынесенай ім здабычай, як ён сядае і грэе свайго будучага патомка. 

Цікавая калізія ў першай нішы:

самка не планавала інкубаваць кладку з першага яйка, але яе самец такі клапатлівы, што сядае грэць яйка пакуль самка есць прынесеную ім здабычу. Калі самка вяртаецца і самец адлятае, яна працяглы час стаіць над яйкам, перабірае вакол яго кермазіт, але так і не сядае інкубаваць. 

Што з гэтага арымаецца, убачым у бліжэйшыя дні калі яек стане больш, а потым - праз месяц - як пачнуць вылупляцца птушаняты. 

Ёсць 1-е яйка ў першай нішы!!!

Самец у 12:19 прынёс палёўку ў першую нішу, а самкі там няма. Пішчыць-кліча яе і не ведае што з той здабычай рабіць ужо 3 хвіліны:

Здравствуйте! Планируется ли включение камеры ночного видения в первой нише?

У 19:05 кароткая капуляцыя на першай нішы. Пасля яе самка пайшла перабіраць жвір-керамзіт, а потым вярнулася туды, дзе і сядзела - у першую адтуліну.

У 18:59 самец прынёс палёўку ў першую нішу і амаль адразу за ім прыляцела самка.

І яна амаль ўзяла здабычу адзін, другі, трэці раз, але ў рэшце рэшт самец палёўку не аддаў  і адляцеў з ёй. Самка яўна не магла паверыць, што ён нічога ёй не заставіў, але за ім не паляцела - засталася ў нішы.

У 10:37 перадача палёўкі ў першай нішы. Самец аддаў яе амаль адразу, застаўся ў нішы, а самка адляцела есці.

Самка з першай нішы выбрала ўсё ж цэнтральную ямку для адкладкі яек?

Абедзьве пары збіраюцца начаваць у сваіх нішах?

Вось і самка ў першай нішы ўжо паглыбляе другую, 'цэнтральную' гнездавую ямку ў 18:55.

У 18:21 перадача палёўкі ад самца самцы з дзюбы ў дзюбу - давер адно да аднаго на первай нішы павялічваецца.