Звычайна дарослыя вялікія савукі (Mergus merganser) рыбачаць, час ад часу ныраючы пад воду. Але бываюць і ў іх выключэнні, калі рыбалка адбываецца на мелкаводдзі - там няма куды ды і не трэба ныраць, або на глыбокай вадзе, але ныраць ім чамусьці не хочацца.
Я сядзеў на беразе Нёмана і раз-пораз здымаў шэрую чаплю, якая ўзвышалася на вялікім камяні. І тут "бакавым зрокам" заўважыў, што зусім недалёка ад мяне прыплыла самка вялікага савука і пачала рыбачыць без нырання, толькі апускаючы голаву ў ваду.
Здымаць яе прыйшлося супраць зімовага, але яркага сонца, але выбіраць не прыходзілася.
Маладыя савукі пачынаюць удасканальваць свае рыбацкія здольнасці менавіта з гэтага: апускаюць галаву пад воду і сочаць за жыццём пад вадой, але звычайна на мелкаводдзі – каб мець магчымасць дагнаць здабычу, бо добра ныраць яшчэ не ўмеюць.Ды і дзейнічаюць яны, у адрозненне ад дарослых, калектыўна – дапамагаюць заганяць рыбу іншым.
Пра нялёгкае жыццё іншай самкі больш ТУТ
19-12-2019, Нёман у Гродна.
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
КАМЕНТАРЫ