Самка вялікага савука: Жыва, але не здарова

У сярэдзіне снежня мінулага году я ўпершыню ўбачыў гэтую самку вялікага савука (Mergus merganser).. 

Яна бавіла час у кампаніі качак-крыжанак,замест сабе падобных. Ужо тады прычына такіх паводзін стала зразумелая - у птушкі былі пашкоджаныя першаступовыя махавыя на адным з крылаў і я нават думаў, што яна доўга не пражыве з такім крылом, бо наўрацці магла лятаць.

Але за два тыдні, мінулыя ў новым годзе я ўжо бачыў яе тройчы:

першы раз ізноў у тым жа месцы ў цэнтры гораду у кампаніі качак-крыжанак, другі - у кампаніі іншых вялікіх савукоў у грузавой часткі парта і трэці пазаўчора раніцай - яна адна адпачывала на гарадзкім пляжы. 

Час ад часу яна чысціла і здаровае, і пашкоджанае крыло і размінала іх.

https://youtu.be/aAO_6W4uDnc

https://youtu.be/NU80qqI9C8I

Наўрацці яна паспее цалкам выздаравець да пачатку размнажэння і адляцець, але савукі апошнія гады гняздуюць у горадзе, таму можа ёй пашчасціць знайсці непалахлівага самца і застацца тут на гнездаванне?

14-01-2020, Нёман у Гродна

Аўтар - Дзьмітры Вінчэўскі