Сінія сініцы ўзімку. Частка 1

Дакументацыйныя здымкі

Чым старэйшае і таўсцейшае дрэва, тым больш магчымасцяў чым харчавацца на ім знаходзяць розныя віды насякомых і павукоў. Але гэтак адбываецца пераважна ў цёплы час, а зімой? Зімой розныя віды, нават не звязаныя летам з падобнымі дрэвамі, але і яны таксама, хаваюцца ў складках ці за адсталай карой, у купінках мха і лішайнікаў на ствале і галінках, у адмыслова падрыхтаваных хадах у адмерлых частках. І птушкам застаецца толькі знайсці гэтую схаваную ад іх ежу, альбо і знайсці, і умець дастаць са схованкі.

Для гэта патрабуецца не толькі зоркія вочы (бо трэба не толькі заўважыць патэнцыйную ежу, якая не варушыцца, але і самой птушцы не стаць здабычай) і папярэдні досвед (дзе і як лепш шукаць), часам і здольнасць да акрабатычных нумароў. Бо ўсе самыя лёгкія схованкі хутчэй за ўсё ўжо былі паспяхова даследаваныя іншымі.

Але чым старэйшае дрэва, тым большы ў яго патэнцыял схованак і, значыць, большая імавернасць раз за разам нешта знайсці ў іх.

Таму ў старых яблынях важныя не толькі яблыкі, але і ўсё іншае: апалае лісце, тонкія і тоўстыя галіны, дуплы, шчыліны і складкі кары, і гд і гд. На зіму ўсё спатрэбіцца: каб адным схавацца, а іншым - знайсці і з'есці - як гэтай сіняй сініцы (Parus) Cyanistes caeruleus).

Гродна, 09-12-2020

Аўтар - Дзьмітры Вінчэўскі

__________________________-

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў і відэа тут:" і далей канкрэтны адрас на знаходжанне фота-серыі на сайце.