Вялікі голуб будуе гняздо

Пара вялікіх галубоў (Columba palumbus), якая ўжо другі год выбірае скверык каля нашага дому за месца гнездавання, прыступіла да пабудовы гнязда.

Пачатак гісторыі ТУТ і ТУТ

Аднак пра тое, што будуе 'пара', казаць пакуль няма як - галінкі выбірае і носіць углыб адной з двух ялін толькі самец. Самкі побач зусім небачна, хаця яшчэ ўчора ўвечары галубы сядзелі на паблізкім каштане разам.

Самец выбірае з агромнай колькасці галінак, якія нашы дворнікі заставілі для птушак:

https://youtu.be/7T7xks2NOio

Пасля таго, як выбярэ - ляціць наўпрост у яліну і там нейкі час тую галінку ўладкоўвае. Потым вяртаецца і зноў падбірае. Але гэта не ўсё, чым ён займаецца. асам ізноў упадае ў транс і сядзіць нерухома, калі ж шукае будматэрыял, то і пад'есць кавалкі лісцікаў - іх навокал, як і галінак, хапае.

https://youtu.be/9l2DqDosevs

Зрэдку самец успамінае, што будуе ён сам, адзін. І пэўна тады ён пачынае надувацца і негучна такаваць. Але шмат часу на гэта не траціць і ўсё вбіаре і лётае на гняздо.

31-03-2020, Гродна

Аўтар - Дзьмітры Вінчэўскі