Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вялікія савукі: Мы - пара

вялікі савук

Пад час непрацяглай марознай часткі зімы, калі вялікіх савукоў (Mergus merganser) можна было без праблем назіраць на Нёмане ў цэнтры гораду, наступіла студзеньская адліга (што фактычна аксюмарон) і птушкі, прынамсі на гэтай частцы ракі, 'прапалі'.  Прапалі, канешне, не зусім: час ад часу я бачыў іх палёт то ўверх, то ўніз па плыні, але ні назіраць, ні тым больш сфатаграфаваць іх ужо не было магчымасці.

І вось разам з каляндарнай вясной параўнальна недалёка ад т.зв. старога маста з'явілася пара савукоў, якіх я там цяпер бачу амаль штодня. Вельмі магчыма, што яны засталіся тут каб загнездаваць або ў старой бабровай нары, або ў адным з нешматлікіх у горадзе дупел адпаведнага памеру - калі знойдуць падыходзячае месца і самка будзе гатова да адкладкі яек.

А зараз я назіраў за тым, як партнёры выпрабоўваюць адно аднаго ў розных сытуацыях, а калі больш дакладна - як самка выпрабоўвае самца. Не кожны раз, але часта я бачу, як самка трымаецца нашага берагу і нырае = рыбачыць вельмі блізка ад яго. Самец жа яўна пабойваецца знаходзіцца так блізка ад набярэжнай і людзей на ёй, але не адлятае, бо ў такім выпадку самка засталася б у патэнцыйна небяспечным месцы сама. А тады навошта ён ёй патрэбны? 

І самец, хаця таксама ныраў тут, але ўсё ж на 5-10 метраў далей ад берагу, чым самка. А адным ранкам, калі пара трымалася зусім блізка ад берагу за вербалозам, ён на працягу 10 хвілін не нырныў ні разу, проста трымаўся каля самкі і назіраў за абстаноўкай навокал. А яна злавіла нешта невялікае - рыбку ці жабу, але праглынула так хутка, што вызначыць здабычу я не паспеў.

Не менш цікавым аказаўся і сённяшні выпадак: пад тым берагам самка вынырнула раней за самца і як быццам нечага спалохаўшыся, пабегла па вадзе, а потым паляцела. І калі самец вынырнуў, адлегласць паміж імі была ўжо некалькі метраў і хутка павялічвалася. Убачыўшы гэта, ён хутка разбегся па вадзе і паляцеў за сваёй абранніцай. 

Хаця ад небяспекі савукам неабавязкова і адлятаць: некалькі разоў, калі я апынаўся - па іх меркаванні - заблізка, яны вынырвалі на адлегласці нават да 30 метраў ад папярэдняга месца.

Так што недзе паміж старым і новым мастамі месяцы праз 2 - 2,5 напэўна ізноў варта чакаць вывадак савукоў...

Нёман у Гродна, 06-09.03.2023

Аўтар - Дзьмітры Вінчэўскі

..............................................

Працяг ТУТ