Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вясковыя ластаўкі: пяцёра галодных. Частка І

вясковая ластаўка

Хаця самыя раннія вясковыя ластаўкі (Hirundo rustica) выляцелі ў тым самым месцы - з гнёздаў унутры будынкаў былога Гарадзенскага бровара - яшчэ тыдзень таму, гэтыя пяцёра птушанят таксама з аднаго з першых вывадкаў. Бо напэўна будзе і другі - лета, у адрозненне ад вясны, цёплае.

Маладыя ластаўкі ўжо выдатна лятаюць, але гэтая здольнасць ім пакуль што непaтрэбная для здабывання ежы - каго, дзе і як лавіць яны яшчэ толькі будуць вучыцца. А зараз трэба прыляцець у адносна бяспечнае і адначасова добра бачнае месца і сядзець так, каб цябе знайшлі бацькі з ежай. Як дарослыя ластаўкі выбіраюць - каго з птушанят карміць у гэты раз? цяжка зразумець і мне, і птушанятам) Часам таму самаму малому дастаецца прадуктовы набор з насякомых два разы запар, а часам адзін з бацькоў аддае ежу двум птушанятам за адзін прылёт.

Пэўна з-за гэтага тыя, якія параўнальна даўно не атрымлівалі сваю заслужаную порцыю, пералятаюць да шчасліўчыкаў у надзеі на тое, што ў гэтым месцы іх дакладна не абдзеляць) Тады і больш шчыльна сядзяць па двое і часам нават па трое. І хаця ў вывадку 5 малых, добра, што не ўсе вырашаюць выбраць тое самае месца)

Перадача - ці хутчэй ўкладанне ежы ў рот малым - адбываецца з дзюбы ў дзюбу так, каб нічога не выпала. Але хаця стараюцца і птушаняты, і бацькі, часам нешта ўсё роўна выпадае, а часам і адлятае - бо яшчэ жывое)

Гродна, 03-07-2022

Аўтар - Дзьмітры Вінчэўскі

Працяг гісторыі ТУТ і ТУТ

Каментары

Вот это серия! Цирк на остриях прутьев! Интересно, а как родители деревенских ласточек принуждают(?) молодых самих начинать охотиться за насекомыми? Недавно наблюдал на водоеме как чомги своих уже больших птенцов, просящих корма, гоняли и притапливали, вынуждая самих добывать пищу.

Дзякуй! Думаю, што прынцып той самы для ўсіх відаў - недакармлівай калі хочаш, каб птушаняты самі пачалі нешта рабіць.

У ластавак даволі хутка 1 ці 2 малых з 5 пачынаюць самі ляцець насустрач бацькам з ежай - тады яны і атрымліваюць яе першымі. Ну а потым, наступны этап, напэўна, вучоба побач з дарослымі "Рабі як я". Думаю, што на дробных стракозах, якіх зараз многа на расліннасці, вучыцца не так складана.