Шчыгелы і свежае насенне

Я і прыкладна на тыдзень раней бачыў, як чорнагаловыя шчыгелы (Carduelis carduelis) ужо елі насенне дзядоўніка, але гэта былі яшчэ першыя спробы - праверка спеласці т.с.)

І вось ужо шмат дзе ёсць на чым харчавацца і птушкі на дзядоўніку (але не толькі на ім, вядома) могуць выбіраць-вылушчваць насенне хвілінамі:

Але ў залежнасці ад ступені голаду і іншых абставін, пры набліжэнні чалавека (небяспекі)  шчыгелы рэагуюць па-рознаму. Калі далёка ад іх - ядуць, калі ўсё ж набліжаецца  - адлятаюць. Галодныя адлятаюць зусім недалёка і сядаюць перачакаць на бліжэйшыя вербы, а  негалодныя могуць адлятаць адразу далёка, нават на другі бераг ракі.

І толькі маладая птушка, з недалінялай, але ўжо падранай нейкім драпежнікам (шуляком-каргольчыкам?) галавой старалася есці і падпусціла вельмі блізка да сябе.  Можа таму і галава была ўжо падраная?)

19-08-2021, бераг Нёмана ў Гродна

Аўтар - Дзьмітры Вінчэўскі