Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Пасля дажджоў, або ластаўкі без ведання фізікі

Дакументацыйныя здымкі і відэа

На прыканцы вясны тры ці чатыры дні запар ўсё адбывалася падобна: дождж, потым сонца, потым ізноў дождж і зноў сонца і так па 4-5-6 разоў за дзень. Адна справа, калі ёсць магчымасць схавацца ад такой колькасці вады, а калі няма і шмат часу праводзіш у паветры, то трэба неяк сушыць апярэнне. І вось вясковыя (Hirundo rustica) і ластаўкі-зямлянкі (Riparia riparia) і сталі для гэтага ўвечары выкарыстоўвываць мінулагоднія сцябліны сухога трыснягу на беразе ракі.

Але з-за таго, што такіх прысад пасля моцных зімовых вятроў непаламаных засталося вельмі мала, іх дзеянні выглядалі вельмі смешна, а менавіта так:

Першая ластаўка сядала бліжэй мяцёлкі, хутка падляталі другая і трэцяя і сядалі трошкі ніжэй першай. Тады сцябліна пачынала паступова нахіляцца. Хутка да першай тройкі далучаліся па адной ці па дзве наступныя птушкі, сцябліна сгібалася ўсё ніжэй і ніжэй і вось вяршалiна і першая ластаўка ўжо амаль у вадзе... і тады ці за секунду да гэтага ўся групка з некалькіх птушак дружна ўзлятае. Але праходзіць некалькі секунд і ўсё пачынаецца ізноў: прылятае першая ластаўка і сядае пад мяцёлку, за ёй - другая і трэцяя...)

Нёман у Гродна, 26-05-2022

Аўтар - Дзьмітры Вінчэўскі

Каментары

Аблюбавалі ўдалае сцябло, і ўсім падабалася на яго садзіцца. А лагічным мысленнем яны не валодаюць, вось і не разуменне сітуацыі, якая ствараецца. Уважліва назіраць, колькі цікавага, і нават смешнага, можна ўбачыць у жыцці птушак.