Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Сойкі, жалуды і …грэцкі арэх. Частка ІII

сойка

Працяг, пачатак тут: частка І і частка ІІ

Пакуль жалудоў пад пяцёркай дубоў у невялікім скверыку на беразе Нёмана было шмат, сойкі (Garrulus glandarius) прыляталі за імі даволі часта, хаця і нерэгулярна. Часцей за ўсё пошукі пад дрэвамі ў дубовым лісці пачыналіся толькі пасля прамежкавай пасадкі на галіны дубоў. З-за таго, што сойкі - птушкі параўнальна невысокія, хутчэй за ўсё ім было важна ўпэўніцца, што нідзе побач няма драпежнікаў, якіх яны б маглі проста не ўбачыць, калі б адразу прызямляліся б у лісце. Усё ж жыццё нааашмат важней за зімовыя запасы з жалудоў)

Амаль усё сабраныя жалуды, якіх сойкі звычайна набіралі не адзін і не два (здаецца, макісмум пяць, але можа і больш), разносіліся імі ў схованкі. Зрэдку птушкі харчаваліся, разбіваючы абалонку жалуда і выцягваючы дзюбай жа невялікія кавалкі больш мяккай унутранай часткі. І толькі аднойчы (дарэчы, я бачыў гэта другі раз у жыцці) сойка знайшла прыхаваны сярод дубовага лісця грэцкі арэх і пасля раскрыцця на дубовай галіне, з'ела. Чаму там, а не знізу, пад дрэвамі, зразумела - нават нашмат большыя за яе памерамі гракі таксама стараліся рабіць гэта на дрэвах- каб іншыя не заўважылі іх з ежай. А калі б і заўважылі б, то не маглі адабраць.

Усё ж грэцкія арэхі, напэўна, 'неадпаведны фармат' для соек - як аказалася, раскрыць і з'есці птушкі іх могуць, а вось добра схаваць 'на зіму' - наўрацці. Бо дзюба карацейшая за дзюбы і каўкі, і шэрай вароны, і тым больш грака, таму прыкапаныя сойкамі грэцкія арэхі ім знайсці будзе нецяжка, а калі прыкапваць глыбока, то цяжка будзе адкапваць потым самім.  Жалуды ўсё ж надзейней як запасы. А можа для соек і смачней)

Гродна, 10-2022

Аўтар - Дзьмітры Вінчэўскі

Працяг ТУТ