Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Спрытны самец драздовай чаротаўкі

Сваю першую сёлета драздовую чаротаўку (Acrocephalus arundinaceus) я спачатку пачуў, а потым і ўбачыў даволі позна - толькі 12.05. Магчыма, гэта звязана з халоднай вясной, а можа і з тым, што пасля моцных зімовых вятроў каля берагу Нёмана, дзе я назіраю за птушкамі, замест больш-менш шчыльнай, хаця і нешырокай стужкі сухога трыснягу засталіся толькі зусім невялічкія яго астраўкі. Самы большы быў памерам прыкладна 1х3 метры і я сумняваўся, што драздовыя чаротаўкі рызыкнуць у такіх умовах загнездаваць.

Але гэты самец рызыкнуў і выбраў менавіта гэты астравок ў якасці асноўнай сваёй базы. Прычым 'спяваў' (а хутчэй крычаў-рыпеў) больш знізу, седзячы на заломах і толькі зрэдку выбіраўся на самы верх да трысняговых мяцёлак.

Зразумела, што калі ён выбіраўся хаця б трошкі вышэй за заломы, яго было бачна здалёк і я ўжо меў планы паздымаць яго ў наступныя дні. Але хутка мае планы змяніліся. Ужо праз два дні я заўважыў, што чаротаўкі тут дзве, ці хутчэй - пара. Самец ў перапынках паміж гучнымі, але кароткімі рыпеннямі, выцягваў-збіраў матэрыял для гнязда, партнёрка ж паводзіла сябе падобна, толькі ціха:

Сытуацыю для мяне заблытваў яшчэ адзін самец, які зрэдку пачаў спяваць ў другім астраўку трыснягу. Ён быў яшчэ меншым па памерах, але другім па велічыні пасля ўжо занятага першым самцом. Гэтыя астраўкі аддзялялі прыкладна 50 метраў і стужка з цалкам паваленага трыснягу, паміж якім густа і свежа ўжо зелянеў малады. Да таго ж вельмі хутка гэты малады трыснёг стаў падымацца і ствараць выдатныя ўмовы для размяшчэння гнязда і пошуку ежы. А яшчэ праз два дні самец амаль перастаў спяваць і толькі зрэдку адрывіста і коратка рыпеў то цішэй, то на поўную моц і я двойчы ўбачыў, што насамрэч самец-та адзін! Пасля кароткага рыпення ён пераляцеў з меншага астраўка ў большы, асноўны. А ў другі раз зрабіў наадварот. 

Такім чынам ён змог заняць тэрыторыю, якая мінулым летам была месцам гнездавання двух пар.

Нёман у Гродна, 14-20.05.2022

Аўтар - Дзьмітры Вінчэўскі

Каментары

Очень хорошая подборка фотографий: с интересом просмотрел. У нас на прудах тростника и камыша хватает всем. Постоянно "бухает" большая выпь, гнездятся болотные луни, утки, чирки, камышовые овсянки, лебеди, цапли и т.д. Вот сегодня снял белую цаплю на пруду.

Белая цапля