Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вясковыя ластаўкі: Першыя выляцелі

вясковая ластаўка

Дакументацыйныя здымкі

Увечары, калі я вяртаўся да хаты ўзхдоўж ракі, маю ўвагу прыцягнула трошкі дзіўныя, нізкія палёты дарослых вясковых ластавак (Hirundo rustica) над тым самым месцам. А на наступны дзень зранку я там разгледзеў 'свежы' вывадак з 5 маладых ластавак, якія даволі добра хаваліся сярод галінак і лістоў на адным з нізкіх кустоў вярбы.

Амаль насупраць іх, на высокай агароджы, сядзела другая пяцёрка ластаўчынай моладзі - іх я, у асноўным, і здымаў.  Выглядалі яны даволі разгублена: навокал віравала жыццё, праляталі і спявалі або крычалі іншыя птушкі, былі і разнастайныя гукі ад транспарту, ды яшчэ параўнальна побач, унізе, гулялі людзі.  Моладзь яўна не ведала як правільна на ўсё гэта рэагаваць і мне яны нагадалі групку вясковых падлеткаў, якіх упершыню прывезлі на вакзал у вялікі горад)

Праз нейкі час аказалася, што некаторым маладым ластаўкам нашмат зрунчей сядзець на металічных перылах набярэжнай, чым на галінках вярбы, і дарослыя птушкі пачалі ім прыносіць насякомых туды, заадно і самі адпачывалі побач. Але даволі частыя мінакі ўсё ж заміналі і бацькам, і дзецям і птушкі вярнуліся на кусты бліжэй да ракі.

Гродна, 24-06-2022

Аўтар - Дзьмітры Вінчэўскі

Каментары