Пружанскае раённае экалагічнае грамадскае аб’яднанне “Агратур” запрашае ўсіх жадаючых узяць удзел у дабраахвотніцкім летніку, прысвечаным аднаўленню калоніі Белага бусла на хутары Бабінец, знішчанай у выніку прыроднага катаклізму. Некалі тут існавала найбольш шматлікая ў Беларусі калонія Белага бусла; на некаторых дрэвах месцілася да 6 гнёзд!

Грамадская арганізацыя “Ахова птушак Бацькаўшчыны” (АПБ) правяла першую сустрэчу для аматараў прыроды з населеных пунктаў, размешчаных на рацэ Лясной. Запрошаныя на семінар людзі ўжо з’яўляюцца, або патэнцыйна могуць стаць удзельнікамі праграмы “Захавальнікі тэрыторый, важных для птушак”, ці добраахвотнымі памочнікамі эколагаў.

Два астраўныя падвіды даволі распаўсюджаных на нашым кантыненце відаў птушак прапанаваныя да падвышэння іх статусу да відавога. Калі гэтыя высновы будуць дадаткова пацверджаныя іншымі даследаваннямі, то ў Еўропе “з’явяцца” два новыя эндэмічныя віды. 

Брытанскі арніталагічна-фауністычны камітэт (British Ornithological Records Committee (BOURC)) учора абвесціў занясенне шасцісотага віду ў Брытанскі спіс птушак.

У самцоў баталёна (Philomachus pugnax), куліка, распаўсюджанага ў Еўразіі, былі знойдзены тры альтэрнатыўныя тыпы самцоў: агрэсіўныя незалежныя (aggressive 'independents'); сатэліты (якія ўзаемадзейнічаюць паміж сабой -semicooperative 'satellites'), і знешне падобныя да самак федэры (female-mimic 'faeders') якія прадстаўляюць добра выражаныя розныя морфы ў гэтага высокапаліморфнага віду птушак. 

У гэтым годзе перавага будзе нададзена праектам, накіраваным на даследванне новых патэнцыйных ТВП і объектаў “Смарагдавай сяці” (рус Изумрудной сети), але разглядацца будуць і маюць шанцы на фінансаванне і іншыя заяўкі. Падрабязную інфармацыю пра абъеты якія патрэбна даследваць, а таксама пра методыку і крытэрыи вызначэння абъектаў “Смарагдавай сяці” можна даведацца па электроннай пошце: egreta113@mail.ru.

Насуперак чаканням, памер гнёзд сініх сініц (Cyanistes caeruleus) ніяк не ўдзейнічаў на паказчыкі іх размнажэння. Пра гэта кажа артыкул, які хутка будзе надрукаваны ў амерыканскім навуковым часопісе The Auk: Ornithological Advances.

15-17 красавіка 2016 года АПБ разам з Еўрапейскай радай па падліках птушак (EBCC) арганізуе ў Беларусі трэнінг па правядзенню ўлікаў для Атласа гняздуючых птушак Еўропы. 

У нашай краіне працягваецца праца над Атласам гняздуючых птушак Беларусі і Еўропы. Коэны з нас можа дапамагчы сабраць больш інфармацыі, каб зрабіць прадстаўленыя ў Атласе дадзеныя больш дакладнымі, і, значыць, больш карыснымі для аховы птушак цяпер і ў будучыні.

Аддзяленне таварыства ў Шатландыі (RSPB Scotland) абвесціла пра куплю ва ўласнасць прыроднага рэзервата Dunnet Head, які знаходзіцца на самай паўночнай частцы Брытаніі за грошы, атрыманыя ад Heritage Lottery Fund.

Сёння, пад час нашых назіранняў за птушкамі поймы Свіслачы, ў Бераставіцкім раёне мы адзначылі самца, тры самкі і маладога плямістага аленя (Cervus nippon). Да гэтага часу гэты від не згадваецца сярод відаў Хрыбетных Беларусі, і, напрыклад, яго няма ў самай апошняй зводцы “Животный мир Беларуси. Позвоночные” (Мінск, выд. Цэнтр БДУ – 2013) аўтарства В.В.Грычыка і Л.Д.Бурко.

Первый месяц зимы 2016-го года позади. Переворачивая лист календаря, давайте вспомним, каким был этот месяц для беларуских бердвочеров и наших соседей.

Параўнальна моцныя сацыяльныя адносіны ў лебедзяў, гусей або крумкачовых вядомы здаўна і добра. Гэтыя птушкі, калі маюць магчымасць, ўтвараюць стабільныя сем’і з партнёрам на ўсё жыццё ці нават дапамагаюць птушкам з іншых параў. Аднак адкрыццё падобных узаемадносін для дробных вераб’іных птушак пачалося зусім нядаўна на прыкладзе вялікіх сініц. А ў апублікаваным ў часопісе Bird Study артыкуле паказаны выбар чыжоў (Carduelis spinus) пералятаць на вялікія адлегласці з тымі самымі партнёрамі або “сябрамі” на працягу нават некалькіх гадоў. 

Некалькі незвычайна цёплых для канца студзеня дзён разам з дажджамі дапамаглі знішчыць амаль увесь снег не толькі ў Гродна, але і на палетках ажно да мяжы з Мінскай вобласцю. Звычайна, калі гэта здараецца на прыканцы лютага, мы ўжо бачым першых вясновых мігрантаў: шпакоў, кнігавак і палявых жаўрукоў. Аднак сёлета першыя вясновыя птушкі аказаліся для Беларусі шэрымі гусямі (Anser anser)!

Маладыя белыя буслы (Ciconia ciconia), якія зімуюць паблізу звалак замест таго, каб ляцець на далёкія былыя месцы зімоўкі віду, маюць больш шанцаў дажыць да вясны – такія вынікі атрымала вялікая міжнародная каманда даследчыкаў. Буслы як мінімум з некаторых папуляцый аказаліся яшчэ адным відам птушак, якія значна змянілі міграцыйныя паводзіны з-за дзейнасці чалавека.