Нашы назіранні

14-04-2009: Грайна – туман і птушкі

З 7.50 да пр. 11.20. З ранку +3С, удзень каля +10, паўночны вецер.

11-04-2009: Лідзкі раён - поплаўны лунь

Учора Oh-Voegel адзначыў на Лідчыне некалькі ўдодаў, крычалі круцігалоўкі, сёньня заўважыў, добра разгледзеў і сфатаграфаў самку поплаўнага луня (Circus pygargus) (ПГГ).

Але тут фотка мая.

10-04-2009 Ліпічанская пушча (Мастоўшчына): Дубы й Удод

Кавалак заказьніка Ліпічанская пушча ў вусьця Шчары. Разам са здымачнай групай праграмы Гарадзенскага ТБ “У аб’ектыве натураліста” Віталем Гуменным і апэратарам Андрэем, а таксама службовымі асобамі з заказьніка. З ранку да абеду, потым навакольле Жалудка і Орлі. Пахмурна, каля +10С у абед

10-04-2009 Лідзкі раён: кралька

Працягваю выкладваць цікавыя СМСкі ад Oh-Voegel`я. Сёньня ён адзначыў у Лідзкім раёне сьпяваючага самца кралькі (Luscinia svecica).

09-04-2009 Лідзкі раён: эўрапейскія ўюркі

Сёньня Oh-Voegel адзначыў дзьвюх сьпяваючых эўрапейскіх уюркоў (Serinus serinus).

Я ўчора ў в.Лапенкі (Гарадзенскі раён) адзначыў самца звычайнага юрка (Fringilla montifringilla) ў няшлюбным уборы. Ён спрабаваў есьці пупышкі грушы, але здымацца не захацеў.

01-08.04.2009 Феналагічныя назіраньні ў Лідзкім раёне

Гэтыя назіраньні зробленыя Oh-Voegel'ем і атрыманыя ад яго СМСкай.

Такім чынам:

01.04. - малы арлец (Aquila pomarina)

03.04. - 2 вялікіх зуйка (Charadrius hiaticula) на Нёмане на старым месцы гнездаваньня

04.04. - пячураўка-ценькаўка (Phylloscopus collybita) і чорны бусел (Ciconia nigra) (са слоў калгасьнікаў, хадзіў па полі разам з белымі бусламі)

08.04. - кулікі-перавозчыкі (Tringa hypoleucos) на Нёмане

На здымку пячураўка-ценькаўка. здымак Oh-Voegel'я з мінулага году

06-04-2009 Паўднёвы-вдсх Бросты: Падкаменка і круцігалоўка

06-04-2009 Паўднёвы-вдсх Бросты: Падкаменка і круцігалоўка

05-04-2009 Грайна: Лебедзі і чайкі

Сонечна, амаль +20С Разам з AV

05-04-2009 Сажалкі ВА «Гродна-Азот» ля Беражан. Чайкі-рыбачкі і малыя зуйкі

Зранку +10, у абед +20С, сонечна  Разам з AV і старэйшымі з яго сям’і

03-04-2009 Жабінка, Малы лебедзь!

Паміж 15 і 16.30, рыбгас Сакалова ля Жабінкі. Разам з Pandion`am, Дзьмітрыем Харковічам і Паўлам Краўчуком. Сонечна, каля +15С