Малы баклан сёлета зімаваў на Нёмане?

Цяпер ужо, напэўна, немагчыма ўстанавіць дакладную дату, калі быў зроблены дакументацыйны здымак незвычайнага баклана на рацэ Нёман недалёка ад Гродна. Яго слоўнае апісанне дакладна супадае з малым бакланам (Phalacrocorax pygmaeus), першая рэгістрацыя якога адбылася ў нашай краіне толькі ў мінулым годзе. Вядома толькі, што адбылося гэта гэтай зімой і паведамленню гэтага бёдуотчара з вялікім стажам можна давяраць (па пэўных прычынах мы не паведамляем яго імя і прозвішча).

На жаль, праз тэхнічную памылку здымак быў ім выдалены з фотакамеры і цяпер малаімаверна даказаць, што назіранне сапраўды адбылося.
Мэта гэтага паведамлення – прыцягнуць увагу нашых бёдуотчараў да магчымасці назірання новых і рэдкіх відаў у зусім нечаканых месцах. І перасцерагчы ад выдалення нават тэхнічна недасканалых здымкаў цікавых птушак, якія могуць аказацца пацверджаннем сапраўдных орніталагічных адкрыццяў.
Дзьмітры Вінчэўскі,
Гродзенскае абласное аддзяленне АПБ

Здымак малага баклана з www.northamptonshirewildlife.co.uk

На гэтую тэму:
Малы баклан крочыць па Еўропе

В Беларуси отмечен новый вид птиц!

Состав орнитофауны Беларуси официально пополнился