Знішчэнне расліннасці ўздоўж чыгункі – канфлікт у Вялікабрытаніі

Network Rail – кампанія, якая абслугоўвае рэйкі і іншую інфраструктуру брытанскай чыгункі – ўступіла ў канфлікт з Каралеўскім таварыствам абароны птушак RSPB, мясцовымі жыхарамі і брытанскай траснспартнай паліцыяй з-за таго, што знішчае прычыгуначную расліннасць.  

Кампанія адказвае за стан прыкладна 20 тысяч міль чыгуначнага палатна і расліннасць, якая пакрывае значную плошчу ўдзоўж чыгункі і фактычна з’яўляецца зручным карыдорам для многіх жывёл і месцам гнездавання прыкладна 1,5 мільёна птушак.

Хаця адпаведна з Актам аб дзікай прыродзе і сельскай мясцовасці ад 1981 г. (1981 Wildlife and Countryside Act) пад аховай знаходзяцца ўсе дзікія птушкі і іх гнёзды, кампанія Network Rail вынішчэннем хмызняку і дрэваў з гнёздамі птушак парушае гэты закон, таму што працы адбываюцца з сакавіка па жнівень -  г.зн. у гнездавы перыяд, калі гэта рабіць забаронена.

"Мы чакаем, што Network Rail будзе дзейнічаць у адпаведнасці з законам, аднак уладальнік такіх вялікіх плошчаў зямлі мог бы зрабіць і нешта большае. Бо адпавядае яшчэ і за добрыя ўзаемаадносіны з прыкладна 20 мільёнамі жыхароў нашай краіны, якія жывуць на адлегласці не больш за 500 м ад чыгункі” – сказаў Дэрэн Муркрофт (Darren Moorcroft), кіраўнік аддзелу відаў і месцапражыванняў RSPB.

Марк Фомас (Mark Thomas), супрацоўнік аддзелу расследаванняў RSPB распавёў, што за апошнія два месяцы арганізацыя была паінфармаваная пра некалькі месцаў, дзе былі зробленыя поўныя высечкі расліннасці, а ў Whitstable (Kent) і Islington (Greater London) адбыліся сапраўдныя канфлікты з мясцовымі жыхарамі, якія прыкоўвалі сябе ланцугамі да найбольш старых і каштоўных дрэваў з мэтай перашкодзіць у іх знішчэнні. Менавіта ў Whitstable у канфлікт умяшалася транспартная паліцыя, якая прыпыніла высечкі да заканчэння гнездавога сезону птушак.

У сувязі з падобнымі інцындэнтамі RSPB пісьмова звярнулася да кампаніі Network Rail з заклікам прытрымлівацца законаў і быць адказнымі за падтрыманне амаль прыродных карыдораў для дзікіх жывёл.

Паводле www.birdwatch.co.uk  падрыхтаваў Дзьмітры Вінчэўскі для www.birdwatch.by
Шэрыя лескі – адны з галоўных жыхароў хмызняку пры чыгунцы на здымку Аляксандра Эрдмана