Паводле новых рэкамендацый, якія заснаваныя на параўнаўчым генетычным аналізе, комплекс таксанамічных формаў вялікага дзятла (Dendrocopus major) трэба падзяліць як мінімум на чатыры паўнапраўныя віды.
На аснове адрозненняў у генатыпе і афарбоўцы апярэння прапанавана лічыць самастойнымі відамі дзятлаў з Еўразіі і Паўночнай Афрыкі, Ірану і Азербайджану, Японіі і Кітая адпаведна.
Такім чынам, да вялікага дзятла ў вузкім сэнсе Dendrocopus major адносяцца птушкі з Еўразіі і Паўночнай Афрыкі; да віду D. poelzami - птушкі з Ірану і Азербайджану; да віду D. japonicus – дзятлы з Японіі і да D. cabanisi – з Кітаю.
Мяркуемы падзел вялікіх дзятлаў з двух асобных астравоў Канарскага архіпелагу на асобныя падвіды D. m. canariensis і D. m. thanneri быў прызнаны недастаткова абаснаваным (з-за недахопу генетычнага матэрыялу для параўнання). Адначасова правамоцным уяўляецца вылучэнне асобнага падвіду D. m. numidus для дзятлаў з Алжыру і Тунісу.
Крыніца:
Perktas, U, and Quintero, E. 2012. A Wide geographical survey of mitchondrial DNA variation in the great spotted woodpecker complex, Dendrocopus major (Aves: Picidae). Biological Journal of the Linnean Society In press.
Паводле www.birdwatch.co.uk падрыхтаваў Дзьмітры Вінчэўскі для www.birdwatch.by
Здымак Мікалая Гулінскага
На гэтую тэму:
Сярод Лескавых вылучылі тры новыя сямействы
Створана “Дрэва жыцця” для ўсіх відаў птушак
Сучасных птушак менш відаў, чым думалі
Параўнальная генетыка крумкачовых – новы этап
- Увайдзіце ці зарэгіструйцеся каб пакідаць каментары.
КАМЕНТАРЫ