ПППікнік “Восень у даліне Baryczy”

     Польскі Птушыны Партал BirdWatching.PL сардэчна запрашае на фатаграфічна-бёдуочарскі ХІV ПППікнік “Восень у даліне Baryczy”, які адбудзецца 5-8 лістапада 2009г. w Grabownicy k. Milicza.
ХІV ПППікнік “Восень у даліне Baryczy” чарговая акцыя з цыклу імпрэз для назіральнікаў і фатографаваў птушак, а таксама аматараў прыроды, арганізаваных у найцікавейшых польскіх месцах скаплення птушак. У гэтым годзе ён адбудзецца ў даліне ракі Baryczy і на Міліціх сажалках. 

   Восеньская даліна Baryczy – гэта грандыёзны спектакль з удзелам тысяч журавоў, чаек і гусей, з усімі рэдкасцямі ў галоўнай ролі, якія сустракаюцца рэгулярна ў гэтую паравіну года: чырвонавалёвымі казаркамі, гусьямі-піскулькамі ды караткадзюбымі гуменніцамі. Такая ж вялікая канцэнтрацыя чапель, у тым ліку белых, а ткасама незлічоная колькасць качак розных відаў. Таксама рэгулярна сустракаюцца стаі малых лебедзяў ды лебедзяў-клікуноў. Можна пабачыць шмат цікавых відаў сяўцовых на спушчаных сажалках. Увогуле, гэта важнае месца на шляху міграцы птушак.
ПППікнік будзе праходзіць на базе турыстычнай гаспадаркі "Zagroda GRABOWNICA”.

Агульная праграма выглядае такім чынам: 
1. Выправы на цэлы дзень пад наглядам экскурсаводаў.
2. Штодзённыя адукацыйна-пазнавальныя мерапрыемствы.
3. Вечаровыя інтаграцыйныя гульні і вогнішча.
    Таксама будзе праводзіцца конкурс па вызначэнню птушак па слядах, конкурсы на найлепшы фотарэпартаж і расповяд пра ПППікнік. Рэгістрацыя ўдзельнікаў адбываецца да 5 лістапада. Кошт пражывання складае ад 250 да 450 zl. Увага, колькасць месцаў для ўдзелу ў ПППікніку абмежавана. 
Болей інфармацыі пра ПППікнік і падрабязная праграма на сайце www.birdwatching.pl
Пераклаў Яген Сліж.            

Фотаздымак Mateusz Matysiak www.mateuszmatysiak.pl