"Гарадзенскія United": наш Birdrace-2019

Я, напэўна, адзіны чалавек, які ўдзельнічаў ва ўсіх 16-ці Гонках за птушкамі (Birdrace) у нашай краіне - так нефармальна называем Адкрытыя чэмпіянаты Беларусі па спартыўнай арніталогіі.

Заўсёды гэта не толькі цікавыя сустрэчы з рознымі відамі птушак у загадзя "знойдзеных" напярэдадні ці вядомых з папярэдніх паездак месцах, але і прыемныя нечаканасці, і камандная праца ўсе 12 гадзін.

Таму ніжэй на здымках будуць не толькі некаторыя з тых 90 відаў, якія мы змаглі адзначыць 07.09.2019 у Гродзенскім і Бераставіцкім раёнах дзе "ганяліся за птушкамі", але і мае сябры і партнёры па камандзе - Таццяна Кажан і Андрэй Храмогін (наш капітан):

Бераг Нёмана ў в.Хамікі, дзе мы традыцыйна пачынаем наш Birdrace з вялікімі белымі і шэрымі чаплямі.

Аднак пара і ў вёску Шчэрбавічы, на шляху да якой сасновы лес і некалькі старых таполяў з вераб'інымі і дзятламі:

Патрэскваюць малінаўкі і дразды, пішчаць сініцы і ўжо прачнуліся ластаўкі - напердзе будзе доўгі і насычаны сустрэчамі дзень!

Адна з пячуравак, якія не толькі час ад часу спяваюць, але і актыўна шукаюць насякомых:

Для Спісу патрэбныя і вялікія, і малыя віды, і рэдкія, і самыя звычайныя - нават такія, як гэтыя лебедзі-шыпуны ля рыбгасу "Каенеўцы":

Разнастайнасць качак і кулікоў у гэты раз невялікая. Але і тых, што ёсць, трэба выглядваць, бо восеньскае паляванне на першых, на жаль, ніхто не адмяняў:

Незвычайным быў пачатак нашага сёлетняга Спісу відаў: першымі мы ўбачылі з машыны вялікую зграю кнігавак над Нёманам, але і потым кнігаўкі ляцелі ў рознай колькасці ўвесь дзень:

Каб лепш разгледзець драпежнікаў, таксама часам не абыйсціся без трубы:

Тым больш, калі гэта самка і маладыя сокала-шулёнка:

І толькі самец сокала-пустальгі сеў побач так, што выдатна быў бачны нават без бінокля:

А вось нарэшце "выглядзелі" і пад 80 шэрых жураўлёў, на якіх тут, у пойме Лазоўкі, і спадзяваліся:

У добрага бёрдэра оптыка заўсёды "на гатове":

Самка палявога луня, прыгожа падсветленая сядаючым сонцам у пойме Стрыеўкі не была нашым апошнім, 90-м відам - ім стаў малы арлец. Але і пасля заначэння чэмпіянату адбываліся прыемныя сустрэчы- непасрэдна на нас выляцеў сокал-кабец! Але сёлета наша гонка за птушкамі ўжо скончаная - да наступных сустрэч!