Забойства птушак на Кіпры перарасло ў сапраўдны крызіс

Арганізацыя BirdLife Cyprus падрыхтавала самую свежую справаздачу пра маштабы нелегальнага адлову птушак на Кіпры паміж 31 жніўня і 8 лістапада 2010 году, якая дэманструе драматычнае павелічэнне колькасці знішчаных такім чынам птушак.

Дзякуючы дзевятаму году збірання дадзеных пад час “палявых” выездаў трэнірованымі адмыслоўцамі, атрымалася сабраць дадзеныя, што ў параўнанні з 2009 годам адбылося 75% павелічэнне ў выкарыстанні сетак і 89% павелічэнне ў выкарыстанні абсмараваных клеем галінак. І хаця агульныя маштабы знішчэння еўрапейскіх птушак, мігрыруючых праз востраў у параўнанні з 1990-мі гадамі застаюцца пакуль меншымі, аднак адбываецца небяспечны трэнд павелічэння нелегальных прыладаў за апошнія дзевяць, і, асабліва, чатыры гады.
Галоўнымі ахвярамі дзялкоў застаюцца лескі-чорнагалоўкі Sylvia atricapilla і іншыя віды пеўчых птушак. Іх сотнямі і тысяч прадаюць у мясцовыя рэстараны, дзе з іх гатуюць мясцовую страву ‘ambelopoulia’. Ў дадатак да гэтых відаў, гінуць многія іншыя, ўключна з совамі, ўдодамі, валасяніцамі, драздамі і эндэмічнымі для Кіпру птушкамі: кіпрскай лескай Sylvia melanothorax і кіпрскай падкаменкай Oenanthe cypriaca. Толькі для рэгіёну Famagusta і Larnaca ахвярамі кіпрыётаў сталі ў мінулым годзе каля 1.4 мільёны птушак!

Нашы птушкі ў смажаным выглядзе...
Лоўля птушак забаронена на Кіпры з канца 1970-х гадоў, аднак тое, што цяпер адбываецца павелічэнне браканьерства ў такіх маштабах, азначае фактычна бяздзейнасць законаў Еўразвязу на тэрыторыі вострава. Бо Дырэктыва аб дзікіх птушках (EU Birds Directive) абавязвае Кіпр як краіну – чальца ЕЗ ахоўваць не толькі мясцовых, але і мігрыруючых птушак. Аднак неэфектыўныя дзеянні або часта бяздзеянне паліцыі разам з эканамічна выгадным браканьерам знішчэннем птушак дазваляе маляваць толькі бязрадасную карціну для мясцовай і еўрапейскай прыроды.
 

Паводле www.birdlifecyprus.org (тэст і здымак) падрыхтаваў Дзьмітры Вінчэўскі для www.birdwatch.by
 

На гэтую тэму:

Дапамажы нашым птушкам – падпішы петыцыю супраць іх знішчэння на Кіпры

Кіпрыёты “запрацоўваюць” мільёны эўра, забіваючы мігрыруючых птушак

Менш нагоды да вычварэнстваў у рэстаранах

Афрыканскія засухі забіваюць мігрантаў