Як і меркавалася, сёння Цэнтральны Савет АПБ змяніў некаторыя пункты Правіл правядзення Чэмпіянатаў па спартыўнай арніталогіі (скарочана - Birdrace) у нашай краіне. Цяпер не трэба вяртацца на месца старту, што можа зрабіць непасрэдна назіранні за птушкамі больш працяглымі. Патэнцыйна гэта таксама павялічвае колькасць цікавых месцаў, якія можна наведаць. Усё гэта разам робіць вельмі рэальным павелічэнне колькасці адзначаных камандамі відаў, асабліва тых, якія будуць змагацца за чэмпіёнства ў першай пяцёрцы.

 Сёлета ўпершыню ў Вялікабрытаніі зарэгістраваная гняздуючая пара караваек (Plegadis falcinellus) – птушкі былі адзначаныя ў рэзерваце RSPB у графстве Lincolnshire. 

Пасля параўнання выкарыстання зробленых чалавекам гнездавых апор крумкачамі (Corvus corax), чырвонахвостымі (Buteo jamaicensis), каралеўскімі (B. regalis) і канюхамі Свенсана (B. swainsoni) у ЗША атрымалася, што толькі крумкачы паспяхова займаюць такія структуры ўсё часцей.

 Сёлета чарговы адкрыты Чэмпіянат Беларусі па спартыўнай арніталогіі можа прайсці па змененых правілах. Ці будуць нейкія змены ўнесеныя ў Правілы ўжо гэтых спаборніцтваў, якія адбудуцца ў першую субботу верасня (06.09.2014), залежыць ад Вашых прапаноў і Цэнтральнага Савету АПБ, які разгледзіць атрыманыя каментары і пажаданні на сваім паседжанні ўжо ў панядзелак, 18 жніўня.

 Пасля даследавання шкарлупіння яек 75 відаў птушак, навукоўцы знайшлі, што колькасць і характар пігментацыі яек, а таксама таўшчыня шкарлупіння залежаць ад ладу жыцця птушак і дазваляюць пранікнуць унутр яйка такой колькасці сонечнага святла, якая патрэбна для нармальнага развіцця эмбрыёна. 

 Вялікія мясажэрныя дыназаўры ператварыліся ў птушак, пастаянна змяншаючы свае памеры на працягу больш 50 мільёнаў гадоў. За гэты час продкі птушак Тэраподы (Theropods) зменшылі сваю масу прыкладна ў 200 разоў: са 163 кг да 0,8 кг.  

 Нечаканая знаходка, зробленая ў мясцовасці Messel Pit (Германія), прывяла да зменаў нашых уяўленняў пра час пачатку супрацоўніцтва птушак і кветак. Знойдзеныя парэшткі васьмісантыметровай птушкі, ў якой у страўніку засталіся неперавараныя рэшткі насякомых і некалькі сотняў крупінак кветкавага пылку. 

 Найбольшая у Літве сетка супермаркетаў "IKI" і Літоўскае арніталагічнае таварыства LOD (партнёр BirdLife у Літве) змаглі разам сабраць больш за 32 тысячы эўра на ахову трох відаў птушак, якім пагражае знікненне ў Літве. 

 Моа былі разнастайнай групай вялікіх нелятаючых птушак, якія на Новай Зеландыі паспяхова замяшчалі раслінаедных звяроў. Найбольшыя прадстаўнікі гэтай групы дасягалі нават 3,5 метра ў вышыню! Хаця большасць навукоўцаў пагаджаліся, што ўсе 9 відаў моа зніклі праз непрацяглы час пасля прыбыцця на астравы Новай Зеландыі людзей у ХІІІ стагоддзі, аднак дэбаты наконт прычынаў знікнення птушак працягваюцца. 

 Новае даследаванне многіх відаў птушак з розных таксанамічных груп ўпершыню паказала як стратэгія размнажэння звязана з працягласцю іх жыцця. 

 Больш чым 360 новапрызнаных відаў птушак упершыню былі ацэненыя экспертамі глабальнай асацыяцыі BirdLife International ад імя Міжнароднага саюзу аховы прыроды для новай рэдакцыі Міжнароднага Чырвонага спісу (The IUCN Red List of Threatened Species). Аказалася, што фактычна кожны чацвёрты з іх мае вялікія шанцы знікнуць ужо ў бліжэйшыя дзесяцігоддзі ў параўнанні з кожным шостым відам у сярэднім для усіх птушак. 

 З пятніцы, 17 ліпеня 2014 году, пасля апублікавання ўступіла ў сілу пастанова Мінпрыроды “Аб ўстанаўленні спісаў рэдкіх, і тых, што знаходзяцца пад пагрозай знікнення на тэрыторыі Рэспублікі Беларусь відаў дзікіх жывёл і дзікарастучых раслін, якія ўключаюцца ў Чырвоную кнігу Рэспублікі Беларусь”.

 Сёлета польскае прыродаахоўнае таварыства “Bocian” працягвае інтэнсіўна вывучаць асаблівасці экалогіі і біялогіі гнездавання, трасы міграцыі і месцы зімоўкі поплаўных лунёў (Circus pygargus) з Паўднёвага Усходу Польшчы. Большай колькасці і якасці атрыманых дадзеных павінна служыць размяшчэнне на птушках перадатчыкаў з блокамі GPS і GSM, якія паведамляюць дакладныя каардынаты месца знаходжання птушак з дапамогай смсак.

 Адзіны пазасталы для навукі асобнік т. зв. “ліверпульскага голуба” ў выглядзе старай скуркі дзякуючы аналізу ДНК не толькі аказаўся асобным відам, але і крэўным дронта.

 Знойдзеныя яшчэ ў 1980-я гады выкапневыя парэшткі марской птушкі гіганцкіх памераў былі апісаны толькі цяпер. Хутчэй за ўсё, яны належалі самай вялікай лятаючай птушцы ў гісторыі нашай планеты.