Сокал-падарожнік (Falco peregrinus)

 Сёння нам пашчасціла параўнальна доўга і больш аднаго разу назіраць сокала-падарожніка. На жаль, кожны раз гэта было далёка ад нас і зрабіць нават добрыя дакументацыйныя здымкі не атрымалася.

Першы раз яго заўважыў Яўген - сокал падняў у паветра каля 800 кнігавак і каля 150 залацістых севак з астравоў на вадасховішчы. Невысока над вадой адна з севак аддзялілася і яе дагнаў і схапіў сокал. нёс цяжка і таму яго змаглі дагнаць некалькі дзесяткаў чаек - ён бросіў мёртвую сеўку ў ваду і адляцеў.

На працягу наступных 2-3 гадзін мы бачылі яго яшчэ 2 разы - штораз кнігаўкі ўзнімаліся ў паветра і стараліся падняцца хутка і высока. 

Падаецца, што гэта была маладая птушка, бо зверху была карычневая, хаця спераду не надта цёмная.