Студзень на Лукомльскім возеры: вынікі ўлікаў зімуючых птушак

     З надыходам марозных дзянькоў прыйшла пара зімовых улікаў птушак.  У Навалукомлі гэты час азначае, што трэба рухацца на уваход “халоднага” канала,  дзе на палонках чакаюць шыпуны і качкі сваіх “выратавальнікаў-людзей”. Таксама вялікая колькасць вадаплаўных сканцэнтравалася на сбросах тэрмальных вод  Лукомскай ГРЭС.  

І вось паміж двума гэтымі кропкамі ў адлегласці 3-4 км мітусяцца птушкі ў пошуках ежы. Лебедзі амаль лятаюць за людьмі, каб толькі папрасіць кавалак булкі. Ныркі  сочаць за з’яўленнем новых прамыін, каб здабыць выратавальных малюскаў.  

Колькасць вадаплаўных змяняецца с цягам часу. За мінулыя 10 дзён я тройчы наведваў  “сваіх”птушак. Вашай ўвазе я прадстаўляю нейкія сярэднія лічбы па зімуючым птушкам нашага возера Лукомскае на студзень 2014г.:

Лебедзь-шыпун – 64-150 асобін

Качка-крыжанка – 1000

Лысуха – 200-270

Звычайны гогаль – 700 – 1150

Вялікі савук – 80-350

Савук-луток – 6 – 30

Даўганосы савук – 2-3

Нырок-плесаўка – 1

Чубаты-нырок – 200-300

Нырок-сівак – 3

Вялікі баклан – 2

Арлан – белахвост – 2

Чайка-рагатуха – 3-4

Чайка –клыгун – 3

Шызая чайка -5-6

Чайка-рыбачка – 6-10

Звычайны зімародак – 1

Многія лічбы значна  адрозніваюцца для аднаго і таго ж віду, але яны залежалі ад стану палонак і тэмпературы навакольнага асяроддзя. Не малаважным фактарам у памерах незамярзаючых участкаў адыгрывае сама электрастанцыя. У выходныя яна працуе на 1/3 сваей моцы, а у буднія на  - 1/2.  Адсюль і колькасць цеплай  вады, якая скідваецца, а ў выніку і памеры палонак у будні на трэць большыя. На жаль нешмат відаў птушак удалося адлюстравць на фотаздымках.

Віталь Кашчэеў, фота аўтара