Афрыканскі марабу знойдзены ў Віцебскай вобласці

    Афрыканскую птушку знайшлі каля вёскі Задуброў'е Віцебскага р-на. Першымі птушку заўважылі супрацоўнікі мясцовага СПК, яны і прытулілі яе на некалькі дзён. Сёння птушка была дастаўлена ў Віцебскі заапарк. Стан птушкі ацэньваецца як нармальны.

     Афрыканскі марабу (Leptoptilos crumeniferus) буйная птушка з сямейства буслоў. У вышыню дасягае да 150 см і вагой да 9 кг, з размахам крылаў да 3,2 м. Адметнай рысай з'яўляецца вялікая і магутная дзюба. Распаўсюджана ў Афрыцы паўднёвей Сахары. Пераважна сустракаецца ў біятопах дзе шмат капытных. Асноўнай ежай марабу з'яўляецца падаль, якую ён выглядае, як і грыфы, лунаючы над зямлёй. Гняздуюць марабу калоніямі на дрэвах ці скалах.

   Якім чынам незвычайны госць аказаўся ў зімовай Беларусі, застаецца загадкай. Найбольш імавернай версіяй уяўляецца, што ён збег ад некага нядбайнага амтара прыроды. 

Сюжэт пра незвычайную знаходку на БТ.

Здымак марабу з Вікіпедыі 

Навіну падрыхтаваў Яўген Сліж