Верабей у вадзе, шэрая варона і чайка-рагатуха

Дакументацыйныя здымкі і відэа

З раніцы было цёмна, ветрана і час ад часу імжыла. Таму ўвечары, калі збіраўся ісці да Нёмана, фоцік браць спярша не хацеў – ну што я здыму там такім надвор’ем? Але ўспомніў, што заўсёды шкадаваў, калі апарат з сабой не браў і вырашыў не правяраць лёс гэтым разам. І не пашкадаваў, што ўсё ж узяў…

Самага пачатку падзеі я не бачыў – г.зн. чаму тая вераб’іная птушка (верабей?) выляцела з купіны трыснягу і вельмі нізка паляцела над вадой. Назіраў толькі сумныя наступствы гэтага. А здарылася вось што: шэрая варона атакавала таго вераб’я зверху і ён плюхнуўся ў ваду. Варона вярнулася, але выхапіць небараку не змагла.

Амаль адразу птушка ўзляцела з паверхні вады, але праляцела нядоўга, пад вуглом у бок берагу, і зноў плюхнулася ў ваду. Тут ужо вароны побач не было і вераб’я стала хутка несці плынню. І тут да яго падляцела маладая чайка-рагатуха (Larus cachinans), села, дастала з вады і стала тапіць, разматваючы ахвярай у паветры і ў вадзе. Стала зразумела, што нават калі верабей яшчэ быў жывы пасля першага пералёту, цяпер ў яго шанцаў выратавацца не засталося.

Чайка перанесла яго на некалькі метраў і зноў села на воду. Паматляла здабычай некалькі секунд і праглынула яе без праблем:

Спачатку я падумаў, што варона дарма атакавала вераб’я (?) падобным чынам, бо шанцаў дастаць яго з вады ў яе не было. Ажно ўспомніў і перачытаў сваю ж гісторыю, у якой гэта, як ні дзіўна, аказалася магчыма.

Нёман у Гродна, 07-10-2021

Аўтар – Дзьмітры Вінчэўскі