Вялікія савукі: Лавіся рыбка ... Частка ІІ

Працяг гісторый пра рыбалку вялікіх савукоў (Mergus merganser) на Нёмане. Першая гісторыя ТУТ

На наступны дзень і таксама зранку я ізноў назіраў за вялікімі савукамі, якія актыўна рыбачылі. У гэты раз побач трымаліся самец і дзве самкі. Птушкі амаль пастаянна ныралі, але калі вынырвалі на паверхню, вада сцякала вялікімі і прыгожымі кроплямі з выцягнутых і загнутых на канцы кручком дзюбаў, а выніку ўсё не было. Не было, канешне, для птушак, таму што я быў задаволены і тым, што час ад часу раняшняе сонца падсвечвала дробныя кроплі ў 'грыве' самак і яны свяціліся ў адказ як ўпрыгожванні з брыльянтаў.

І вось адной з самак пашанцавала і яна нарэшце трымае нешта ў дзюбе! Прычым гэтае нешта - пячкур (Gobio gobio), які як змяя абвівае дзюбу самкі і стараецца выкруціцца з яе і вярнуцца ў ваду. Але дарэмна! З такой зазубранай па краях дзюбы не вырвешся: