Зелянушкі і дзьмухаўцы

Зелянушкі (Carduelis chloris), як і ўсе іншыя нашы насеннеядныя птушкі, якія жывуць у гарадах, ахвотна ядуць насенне дзьмухаўцоў як толькі яно паспее. Але ў адрозненне ад іншых відаў, якія звычайна прылятаюць паласавацца будучымі парашуцікамі ў парах ці нават невялікімі групамі, зелянушкі  могуць гэта рабіць і па-асобку.

Прычым моцная дзюба дазваляе лёгка ўскрываць абалонку насення і выбіраць ці вырываць яго і па аднаму, і нават па некалькі штук, пучкамі. Аднак самае цікавае, што на адным з дзьмухаўцовых схілаў на беразе Нёмана насенне гэтых раслін адначасова елі побач з зелянушкамі і чорнагаловыя шчыгелы, і канаплянкі, і еўрапейскія ўюркі!  І ніхто з іх зелянушкам не перашкаджаў, ажно побач з адным з самцрў зелянушкі вырашыў пад'есці самец дамавога вераб'я, толькі тады зелянушка не вытрымала і прагнала яго.  Але на шчыгелаў вырашыла не звяртаць увагу)

Гродна, 04-05-2023

Аўтар - Дзьмітры Вінчэўскі