Дакументацыйныя здымкі
Сінайскіх чаромашнікаў (Carpodacus sinoicus) - аднаго самца і 2-3 самкі побач з ім на схіле гары - мы ўбачылі пад час ранішняга спуску з гары Маісея (іншая назва - гара Сінай). Здымкі з серыі "знайдзі птушку" - не гледзячы на яркую афарбоўку самца, навакольныя чырвонаватыя скалы і осыпы даюць яму выдатную маскіроўку. Ну а пра светла-бежавых самак ці маладых птyшак і казаць няма чаго :)
Від з разарваным арэалам: сустракаецца ў адпаведных гарах у Егіпце, Саўдаўскай Аравіі, Іарданіі, Ізраіле, Кітае і Афганістане.
люты 2014 г., Сінайскі паўвостраў, Егіпет.
Аўтар - Дзьмітры Вінчэўскі
Гара Маісея мае вышыню 2285 м н .у.м. Згодна з Торай, Бібліяй і Каранам, гэта тая гара Харів, на якой Бог уручыў Маісею 10 запаведзяў. Ну і месца пражывання сінайскіх чаромашнікаў :)
Вось як яны выглядаюць пад час усходу сонца і трошкі пазней:
- Увайдзіце ці зарэгіструйцеся каб пакідаць каментары.
Каментары
biot - 17.02.2014 - 00:52
А я яго ў Іарданіі бачыў, на
А я яго ў Іарданіі бачыў, на Сінайскім паўвостраве не сустрэў.
Harrier - 17.02.2014 - 10:42
In reply to А я яго ў Іарданіі бачыў, на by biot
Мы сустрэлі чаромашнікаў
Мы сустрэлі чаромашнікаў даволі высока - думаю, што не менш, чым 1500 м н.у.м. А пра тое, што яны ёсць там, даведаліся пад час падрыхтоўкі паездкі са справаздач іншых бёрдэраў. Таму, каб сустрэць іх у іншым месцы, напэўна, трэба было б спрабаваць палазіць на вышынях пр. у 1500 м. Але як гэта зрабіць без дарогі, якая пракладзена на гару Маісея, мне цяжка сказаць.
Яшчэ адзін цікавы від, які сустрэлі ў Егіпце толькі там (але бліжэй да вяршыні і ў яе падножжа вакол кляштара Св.Кацярыны) - трыстрамскія шпакі. Але пра іх будзе наступная серыя здымкаў.
Wormer - 17.02.2014 - 22:47
Я таксама там быў :) Самая
Я таксама там быў :) Самая цяжкае было падняцце на гару,але гэта таго каштавала.Цяпер маю уражанне на ўсё жыццё.Спадзяюся,што падымуся туды яшчэ.