Самец зелянушкі: Давай яшчэ раз?

Дакументацыйныя здымкі

Ёсць на беразе Нёмана, там, дзе я часта назіраю і здымаю птушак, самае высокае ў наваколлі дрэва - яшчэ не старая бяроза. Хутчэй за ўсё менавіта па яму праходзіць мяжа гнездавых тэрыторый розных відаў птушак. Гэта выдатнае месца, з якога многія віды спяваюць ці на якім адпачываюць, але нямногія з іх - можа акрамя шэрых варон, могуць і маюць магчымасць уключыць яго менавіта ў сваю тэрыторыю. Усё ж занадта вялікае яно і часта тут і адбываюцца тэрытарыяльныя канфлікты з пагонямі і без.

Не выключэнне і зелянушкі (Carduelis chloris). Калі самец можа дазволіць сябе спяваць на верхніх галінах такога дрэва, ён выдатна прыцягвае да сябе ўвагу не толькі супернікаў але і самак, бо бачны і чутны здалёк.

І хаця гэтая кароткая фота-гісторыя заляцання да самкі атрымалася са здымкаў, зробленых у два розныя дні, яна хутчэй за ўсё развівалася таксама або вельмі падобна: самец спяваў з самага верху самай высокай бярозы, паблізу - каб лепш прыглядзецца яму, села самка. Hу і ён вырашыў скараціць дыстанцыю паміж імі, каб яна магла лепш пачуць яго і бліжэй убачыць)

Аднак самка адляцела, калі дыстанцыя стала заблізкай і чым там скончылася, невядома. Хутчэй за ўсё такі актыўны заляцальнік трошкі пазней створыць пару і пачнецца яшчэ адно гнездаванне - трэцяе за сезон?

Гродна, 18 і 30.07.2021

Аўтар - Дзьмітры Вінчэўскі