Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Курапаткі вярнуліся!

шэрая курапатка

Мне хочацца думаць, што гэтую пару шэрых курапатак (Perdix perdix) я ведаю ўжо другі год запар. Хутчэй за ўсё так яно і ёсць, хаця тэарэтычна магчыма, што гэта іншная пара заняла тэрыторыю тых, каго я ўпершыню ўбачыў тут мінулым летам, а потым неаднойчы назіраў за імі і ўвосень , і зімой. Апошні раз я іх бачыў у пачатку сакавіка і вось - новая, летняя сустрэча!

За гэты час расліннасць на невялікім па плошчы разнатраўным лужку ў цэнтры гораду плошчай каля гектара паднялася, была адзін раз скошана (але не цалкам - прыкладна 12-15-я частка засталася стаяць і можа служыць выдатнай схованкай для курапатак і не толькі) і ўжо пачала адрастаць. Птушак там я заўважыў увечары, калі яны, прыгібаючыся, стараліся незаўважна трымаць бяспечную ад мяне дыстанцыю. Я не стаў ім перашкаджаць - і на "іх" адлегласці мне было добра здымаць. асабліва калі яны супакоіліся і працягнулі харчавацца, час ад часу выцягваючы шыю і назіраючы за наваколлем.

Былі там птушкі і праз дзень. Толькі - як і ў мінулым годзе - без птушанят. Але добра, што самі жывыя.

07 і 09-06-2022

Аўтар - Дзьмітры Вінчэўскі